Bu gün Yüksək Liqada IX turun oyunları keçirilib. Açılış matçında hesabı “Baku Fire” açsa da, qonaqlar status kvonu bərpa edə bilib. Ümumiyyətlə, fasiləyə qədər nominal meydan sahibləri iki dəfə hesabda üstünlüyə sahib olsa da, sona yaxın qonaqlar tarazlıq yaradıb.

İkinci hissədə sükutu yenə “Baku Fire” pozsa da, rəqibin cavabı özünü çox gözlətmədi. 33-cü dəqiqədə Tofiq Əliyev yenidən rəqib torunu silkələdi. Matin Qahramani isə matçın başa çatmasın 2 dəqiqə qalmış 10 metrli zərbəni qola çevirə bilmədi. Əvəzində Vali sona 54 saniyə qalmış tablodakı rəqəmləri eyniləşdirdi – 5:5. Bundan sonra “Baku Fire” qapıçını da meydan oyunçusu ilə əvəzlədi və istəyinə çatdı. Matçın taleyini həll edən qolu Nihad İsmayılov final fitinə 32 saniyə qalmış vurdu.

Turun mərkəzi oyununda isə hesab daha erkən açıldı. Bu dəfə də nominal meydan sahibləri fərqləndi. Amma bu üstünlük cəmi 3 dəqiqə davam etdi. Əvvəlcə Ponce hesaba tarazlıq gətirdi. Braziliyalı hücumçu ikinci hissədə növbəti qolu vurmaqla komandasına üstünlük qazandırdı. Ehtiyatdan meydana növbəti də fə daxil olan Ülvi Nurlanla paslaşmanı məntiqi sonluğa çatdırmaqla yenidən “sülh” elan etdi. Matç da heç-heçə başa çatdı və “Araz-Naxçıvan” cari mövsümdə ilk dəfə meydanı qələbəsiz tərk etdi.

Turun son matçı başa çatmadı. Belə ki, matça daha yaxşı başlayan və xüsusilə də ikinci hissədə ardıcıl qollar vuraraq hesabda 5 top fərqi ilə önə keçən U-19 ilk qələbəsinə yaxın olduğu məqamda, “Alyans”ın qapıçısı İmran Məhərrəmov rəqibi aşkar qol vurmaqdan məhrum etdiyinə görə 32-ci dəqiqədə qırmızı vərəqə aldıgına və Lənkəran təmsilçisinin heyətində ikinci qapıçı olmadığına üçün, futzal oyun qaydalarına uyğun olaraq hakimlər oyunu bərpa etməyib. Oyun dayandırılan vaxt hesab 6:1 U-19-un xeyrinədir. Matçın yekun nəticəsi ilə bağlı AFFA-nın İntizam Komitəsi qərar verəcək.  

Baku Fire – Record club (3:3) 6:5

1 dekabr. Olimpik Star. Saat 14:00

Hakimlər: Hikmət Qafarlı, Rza Məmmədov, Vüsal Balaşov

Hakim-inspektor: Ramiz Əsədov

Qollar: Oruc Baxşəlizadə, 10:10, Nihad İsmayılov, 13:37, 16:47, 39:28, Sahand Rezapour, 24:48, Tofiq Əliyev, 32:36 // Seyidreza Hosseini Hotkani, 11:36, 17:46, Matin Qahramani, 18:49, 26:18, Mojtaba Vali, 39:06

Sarı vərəqələr: Nihad İsmayılov, 18:46, Murad Quluzadə, 23:41, Teymur Eyvazov (baş məşqçi), 36:59 // Matin Qahramani, 26:45

Baku Fire

12. Kamran Hacıyev (q), 4. Elvin Quliyev (k), 9. Murad Quluzadə, 19. Tofiq Əliyev, 21. Soruş Heydari, 1. Elnur Zamanov (q), 3. Oruc Baxşəlizadə, 5. Nurlan Məmmədov, 7. Faiq Əliyev, 8. Sahand Rezapour, 10. Nihad İsmayılov, 11. İmaməli Hüseynov, 18. Elşən Əliyev, 22. Ağa Takliq Ali

Baş məşqçi: Teymur Eyvazov

Record club

23. Mehdi Karimi (q), 27. Matin Qahramani (k), 7. Mojtaba Vali, 9. Seyidreza Hosseini Hotkani, 10. Mahyar Pourniazi, 1. Fərid Bədəlov (q), 2. Emil İsrəfilov (q), 3. Onur Əlizadə, 4. Rəsul İbrahimov, 5. Emin Məhərrəmli, 11. Elmir Xəlilov

Baş məşqçi: Ali Tajik

Neftçi İK – Araz-Naxçıvan (1:1) 2:2

1 dekabr. Olimpik Star. Saat 16:00

Hakimlər: Ziya Nəsirov, Ceyhun Hüseynov, Kənan Məlikov

Hakim-inspektor: Azər Əsgərov

Qollar: Ülvi Əliyev, 5:16, 32:22 // Viktor Ponce, 7:32, 23:28

Sarı vərəqə: Emin Kürdov, 38:10

Neftçi İK

1. Emin Kürdov (q), 7. İlkin Hacıyev, 9. Nurlan Mehdizadə, 10. Rüfət Balakişiyev (k), 11. Hasan Ali Jafari, 12. Anar Məmmədov (q), 3. Kənan Manafov, 4. Məhəmməd Abbasov, 6. Mirzə Əmirov, 8. Ülvi Əliyev, 17. Asif Zeynalov, 38. İbrahim Zeynalov, 94. Rüstəm Bağırov

Baş məşqçi: Hacıbala Abdullazadə

Araz-Naxçıvan

1. Cavad Məmmədov (q), 7. Ramiz Çovdarov (k), 8. Felipinyo, 10. Viktor Ponce, 20. Katatau, 21. Azər Fərmanov, 9. Oktay Rüstəmli, 14. Xəzər Ağalızadə, 18. Fərid Ələkbərov (k)

Baş məşqçi: Joze Alesio Da Silva

U-19 – Alyans (Lənkəran) (1:1) 6:1 (oyun başa çatmayıb)

1 dekabr. Olimpik Star. Saat 18:00

Hakimlər: Hacıəli Ağayev, Şakir Quliyev, Mahir Məmmədov

Hakim-inspektor: Elçin Səmədli

Qollar: İlham Alıyev, 9:21, Fərid Abbasov, 25:43, Nihad Cəfərli, 29:15, 30:26, Şahbaz Həndəmli, 29:31, Sadiq Əlizadə, 30:45 // Adil İsmayılov, 18:37

Sarı vərəqələr: Adil İsmayılov, 13:56

Qırmızı vərəqə: İmran Məhərrəmov, 31:56

U-19

12. Sadiq Əlizadə (q), 6. Rüfət Məmmədli, 9. Elşən Mahmudov, 10. Fərid Abbasov (k), 14. Kənan Rövşani, 1. Rəvan Hüseynov (q), 2. Sunay Həsənov (k), 3. Qüdrət Qasımzadə, 4. Rasim Mikayılov, 5. Nihad Cəfərli, 7. İlham Alıyev, 8. Nüsrət Fərzəli, 11. Əhməd İsmayılov, 13. Şahbaz Həndəmli

Baş məşqçi: Ağatahir Əzimov

Alyans (Lənkəran)

2. İmran Məhərrəmov (q), 6. Təhmiraz Abbasov, 8. Anar İsayev, 10. Adil İsmayılov (k), 12. Nihad İsmayılov, 14. Əlizamin Rzayev