Bu gün Yüksək Liqada Pley-off mərhələsinin ikinci turunun oyunları keçirilib. İlk matçda hesabı “Neftçi” açıb. Amma müdafiədəki anlaşılmazlıq avtoqolla nəticələnib və status-kvo bərpa olunub. Komandalar fasiləyə “sulh”lə yollanıb. İkinci hissədə də tarazlığı “Neftçi” pozub. Ancaq Məmmədkərimovun üstünlük qazandıran qoluna 7 dəqiqə sonra cavab verilib. İaqonun zərbəsi komandaları əlavə 10 dəqiqə oynamağa məcbur edib. Çünki əsasnaməyə görə, 40 dəqiqə ərzində qalib müəyyənləşməsə, tərəflər hər bir 5 dəqiqədən ibarət daha 2 hissədə mübarizəni davam etdirməlidir ki, belə də oldu.

Əlavə vaxtda yenə rəqib torunu ilk silkələyən “Neftçi” oldu. Ali Mikaili tablodakı 2-lərdən birini 3-ə yüksəltdi. Amma əlavə birinci hissənin son saniyəsində “Neftçi”nin qapısına 6 metrlik təyin olundu ki, İaqo dəqiq oynamaqla intiriqanı ikinci əlavə vaxta daşıdı. 47-ci dəqiqədə “Baku Fire” 10 metrlik zərbə vurmaq hüququ qazandı. İaqonun fərqlənməsinə qapıçı imkan vermədi. Matçın başa çatmasına 16 saniyə qalmış Mikaili het-trik etməklə matça son qolu vurdu. Yekunda qələbə qazanan “Neftçi” seriyada da hesabı bərabərləşdirdi. Bu komandalar arasında 3-cü oyun keçiriləcək. 

Neftçi İK – Baku Fire (1:1) 4:3

İlk oyun: 2:3

8 may. Bakı İdman Sarayı. Saat 14:00

Hakimlər: Knyaz Əmiraslanov, Hikmət Qafarlı, Hidayət Feyzullayev

Hakim-inspektor: Elçin Səmədli

Qollar: Ali Mikaili, 9:48, 44:20, 49:44, Namiq Məmmədkərimov, 27:55 // Əjdər Əjdərov, 11:48 (ö/q), İaqo Henrique, 34:37, 44:59 (pen.)

Sarı vərəqə: Əjdər Əjdərov, 7:25, Hacıbala Abdullazadə, 44:20 // Elvin Quliyev, 45:00

Neftçi İK

12. Anar Məmmədov (q), 3. Fərid Atakişiyev, 9. Nurlan Mehdizadə, 38. Hasan Ali Jafari, 94. Ali Mikaili, 1. Samir Mehdiyev (q), 5. Behzad Hassanzade, 6. Mirzə Əmirov, 8. Ülvi Əliyev, 10. Rüfət Balakişiyev (k), 11. Namiq Məmmədkərimov, 13. Əjdər Əjdərov, 16. Zaur Sultanov (q), 17. Asif Zeynalov

Baş məşqçi: Hacıbala Abdullazadə

Baku Fire

12. Kamran Hacıyev (q), 4. Elvin Quliyev (k), 11. İaqo Henrique, 15. Pouria Qolşani, 21. Soruş Heydari, 1. Elnur Zamanov (q), 2. Pavel Repin (q), 3. Oruc Baxşəlizadə,  7. Faiq Əliyev, 9. Murad Quluzadə, 10. Oktay Rüstəmli, 13. Leonardo, 19. Tofiq Əliyev, 22. Kənan Manafov

Baş məşqçi: Teymur Eyvazov