Bu gün Yüksək Liqada II turun oyunları keçirilib. Turun açılış matçında ötən mövsümün qızıl və gümüş medalçıları qarşılaşıb. Hər iki komanda oyuna itkilərlə çıxıb. Qırmızı vərəqə cəzalısı olan “Neftçi”nin qapıçısı Anar Məmmədov və Reza Abgoun liderə qarşı forma geyinmirdi. Buna görə də qapının təhlükəsizliyi gənc Zaur Sultanova həvalə olunmuşdu. “Araz-Naxçıvan”da isə Amadeu və İsa Atayev səhhəti ilə əlaqədar heyətdə yer almamışdı. Əvəzində mövsümün əvvəlində “Araz-Naxçıvan”a qoşulan U-19-un sabiq üzvü Tofiq Hüseynov debüt etmək imkanı qazandı. Oyunda hesab erkən açıldı. Əvvəlcə Danillo fərqləndi. Növbəti qolu isə Felipinyo vurdu. 10-cu dəqiqədə “Neftçi” ardıcıl 2 qol vurmağa yaxın olsa da, futzalçılar son anda dəqiq oynaya bilmədilər. “Araz-Naxçıvan” ikinci hissədə də üstünlüyünü davam etdirdi və növbəti qələbəsini rəsmiləşdirdi. Turun ikinci oyunu daha gərgin və dramatic keçdi. Görüş boyu hesabda geri olan və oyunçusu qırmızı vərəqə alan “Yasamal Bakı” son saniyələrdə vurduğu qolla qələbə qazanıb. Bu debütantın Yüksək Liqada ilk qələbəsi oldu. Son matçda isə U-19-la iddialı “Baku Fire” üz-üzə gəldi. Təcrübəli futzalçılardan qurulan “Baku Fire” böyükhesablı qələbə qazandı.
“Neftçi” İK – “Araz-Naxçıvan” (0:4) 1:6
30 sentyabr. Bakı İdman Sarayı. Saat 14:00
Hakimlər: Əli Cəbrayılov, Ceyhun Hüseynov, Xəlil Xəlilov
Hakim-inspektor: Ramiz Əsədov
Qollar: Mirzə Əmirov, 37:39 // Erik Danillo, 1:24, 13:16, Felipinyo, 7:56, Xətai Bağırov, 17:59, Lukas Romao, 25:52, Katatau, 38:19
Sarı vərəqə: Namiq Məmmədkərimov, 17:07
“Neftçi” İK
16. Zaur Sultanov (q), 3. Amir Şojaei, 4. Fərid Atakişiyev, 8. Ülvi Əliyev, 11. Namiq Məmmədkərimov, 1. Tərlan İmamverdiyev (q), 13. Əjdər Əjdərov (k), 6. Mirzə Əmirov, 7. Nüsrət Fərzəli, 9. Vahib Xocayev, 38. Hüseyn Mənəfli, 94. Şahbaz Həndəmli
Baş məşqçi: Hacıbala Abdullazadə
“Araz-Naxçıvan”
1. Emin Kürdov (q, k), 7. Lukas Romao, 8. Felipinyo, 15. Erik Danillo, 21. Katatau, 19. Vladislav Reznov (q), 3. Məhəmməd Abbasov, 9. Emil Həsənzadə, 11. Xətai Bağırov, 13. Növruz Kazıxanov, 14. Xəzər Ağalızadə, 18. Tofiq Hüseynov
Baş məşqçi: Vitali Borisov
“Yasamal Bakı” – “Record club” (0:2) 4:3
30 sentyabr. Bakı İdman Sarayı. Saat 16:00
Hakimlər: Rza Məmmədov, Mahir Məmmədov, Kənan Məlikov
Hakim-inspektor: Elçin Səmədli
Qollar: Adil İsmayılov, 27:25, 37:22, Anar İsayev, 27:59, Rüstəm Bağırov, 39:37 // Cavad Barzegar, 2:59, 12:17, Zöhrab Quluşev, 33:26
Sarı vərəqələr: Sabir Hacıəliyev, 2:06, Tofiq Məlikov, 7:29, Nadir Babayev, 15:49, Adil İsmayılov, 18:09, Fuad Məmmədzadə, 39:16 // Cavad Barzegar, 10:48
Qırmızı vərəqə: Sabir Hacıəliyev, 12:25
“Yasamal Bakı”
1. Ayxan Məmmədov (q), 9. Rüstəm Bağırov (k), 6. Sabir Hacıəliyev, 13. Fuad Məmmədzadə, 18. Adil İsmayılov, 12. Hüseyn Abtalıbov (q), 4. Anar İsayev, 7. Nadir Babayev, 8. Mirəhməd Məmmədov, 10. Məhəmməd Eyniyev, 14. Təhmiraz Abasov, 17. Emil İskəndərov, 21. Elşən Əliyev, 99. Tofiq Məlikov
Komandanın meneceri: Elçin Əliyev
Record club
20. Aram Gilanizadə (q), 7. Mojtaba Vali (k), 11. Cavad Barzegar, 18. Arzu Abbasov, 30. Danial Şarifi, 12. Baloğlan Həsənov (q), 3. Onur Əlizadə, 5. Emin Məhərrəmli, 8. Əkbər Hüseynzadə, 14. Zöhrab Quluşev, 16. Zoobin Partoo, 17. Rasim Mikayılov
Baş məşqçi: Ali Sabahi
“Baku Fire” – U-19 (4:1) 10:1
30 sentyabr. Bakı İdman Sarayı. Saat 18:00
Hakimlər: Ramil Namazov, Vüsal Balaşov, İmran Məhərrəmov
Hakim-inspektor: Azad Hüseynov
Hakim-inspektor:
Qollar: Nihad İsmayılov, 3:02, 17:17, 31:30, Tofiq Mikayılov, 4:26, Oktay Rüstəmli, 24:06, 31:41, Kənan Manafov, 26:09, 33:43, Tofiq Əliyev, 37:14, 38:40 // Qüdrət Qasımzadə, 1:35 (pen.)
Sarı vərəqələr: Zəfər Mehti-zadə, 1:34, Faiq Əliyev, 13:28, Oruc Baxşəlizadə, 21:47 // Orxan Babayev, 5:25, İlham Alıyev, 22:23
“Baku Fire”
77. Zəfər Mehti-zadə (q), 3. Oruc Baxşəlizadə, 7. Faiq Əliyev, 9. Murad Quluzadə, 19. Tofiq Əliyev, 4. Elvin Quliyev (k), 5. Nurlan Məmmədov, 8. Nihad İsmayılov, 10. Oktay Rüstəmli, 11. İmaməli Hüseynov, 14. Tofiq Mikayılov, 17. Fərid Ələkbərov, 18. Fərid Abbasov, 22. Kənan Manafov
Baş məşqçi: Teymur Eyvazov
U-19
12. Sadiq Əlizadə (q), 3. Qüdrət Qasımzadə, 11. Bəyoğlan Vəlizadə, 7. İlham Alıyev, 10. Rüfət Məmmədli, 1. Hüseyn Ədbülov (q, k), 2. Sunay Həsənov, 4. Daniil Bekineyev, 5. Oruc Aslanov, 13. Tahir Yusubzadə, 8. Hüseyn Cəfərzadə, 9. Pünhan Qasımzadə, 6. Oqtay Mahmudzadə, 14. Orxan Babayev
Baş məşqçi: İlqar Aslanov
