Birinci Liqada XVII turun oyunları keçirilib. Mərkəzi qarşılaşmada liderlər üz-üzə gəlib. Gərgin keçən matçda hesabı “Bakı” açsa da, üstünlüyünü qoruya bilməyib. Əzmkarlıq nümayiş etdirən PFL inamlı qələbə qazanıb. Bu tura qədər zirvədə üçhakimiyyətlilik yaradan “Baku Fire-2” də məğlub olub. Qış fasiləsindən sonra daha inamlı təsir bağışlayan STAR kargo rəqibini minimalhesabla yenib. Ən çox qol sevincini “Şuşa” yaşayıb. “Xan-Lənkəran”la “Trabzon Azərbaycan” da turu 3 xalla başa vurub. “Dalğa” – “Metropoliten” görüşü isə baş tutmayıb. Buna səbəb nominal qonaqların təyin olunan vaxtda meydana çıxmamasıdır. Nəticə ilə bağlı AFFA İntizam Komitəsi qərar verəcək.

PFL – Bakı 4:1

Ulduz – Şuşa 2:14

Baku Fire-2 – STAR kargo 0:1

Timsport – Trabzon Azərbaycan 5:6

Dəstə Ordubad – Xan-Lənkəran 2:6