Bu gün Yüksək Liqada XXIII turun oyunları keçirildi. “Yasamal” MFK Baku – EKOL oyunu birincilərin təyin edilən vaxtda meydana çıxmaması səbəbindən baş tutmadı. Nəticə ilə bağlı İntizam Komitəsi qərar verəcək. CBC Sport televiziya kanalı vasitəsilə canlı yayımlanan mərkəzi oyun isə kifayət qədər maraqlı keçdi. Hesabı “Xəzər Cənub” açdı. Lider dərhal status-kvonu bərpa etsə də, nominal meydan sahibləri yenidən üstünlüyünü bərpa etdi. Düzdü, “Araz” yenə qol vurdu, amma müdafiədən topu uzaqlaşdıran zaman səhvə yol verilməsi “Xəzər Cənub”un işinə yaradı. Belə ki, Lənkəran təmsilçisi fasiləyə hesabda üstün yollanmağı bacardı. İkinci hissədə dəə qarşılıqlı hücumlar quruldu. “Araz” azı iki dəfə qapı tirini silkələməklə yadda qaldı. Əvəzində daha çox hesabı qorumağa çalışan və qapıçının inamlı oyunu sayəsində məqsədinə nail olan “Xəzər Cənub” rəqibin növbəti səhvini qola çevirməyi də bacardı. Bundan sonra Alesio qapıçını da meydan oyunçusu ilə əvəzlədi. Ali Mikaeli sabiq komandasını qapıçı formasında cəzalandırmağa çalışdı. Oyunda sonuncu qol 37-ci dəqiqədə vuruldu. Xətai Bağırov ikinci qolunu vurmaqla fərqi minimuma endirdi. Yeri gəlmişkən, bu matça qədər 3 dəfə üz-üzə gəlmiş komandaların duellərində cəmi bir dəfə qalib olub. İlk dövrədə “Araz” 1:0 hesabı ilə qələbə qazanıb. Turun son oyununda liderlər qrupunda yer alan “Neftçi”nin az əvvəl xal qazana bilməyən “Araz”a çatmaq imkanını əldən verməyəcəyi aydın idi. Oyuna kifayət qədər itki ilə çıxan “Neftçi”də kapitan sarğısı Fərəczadəyə həvalə olunmuşdu. Fasiləyə qədər 3 qol vuran “Neftçi” “Yasamal”İSK-nın ara-sıra hücumlarına mane ola bilmirdi. Fasilədən sonra yenə qol hesabını “Neftçi” açdı. Amma “Yasamal” da siftə etmək imkanı qazandı. Sonrakı dəqiqələrdə bir neçə qol epizodunu sağa-sola qaçıran “Neftçi” hərdən “çərçivə”yə də düşürdü.

Xəzər Cənub – Araz 4:3 (3:2)

29 mart. Bakı İdman Sarayı. Saat 14:30

Hakimlər: Rahin Heybətov, Mehman Mahmudov, Elmir Quluzadə

Timekepeer: Rəmzi Hüseynov

Qollar: Ş. Şahnaz, 02:12, F. Mazaheri, 03:21, R. Qalapur, 16:56, İ. Surqalı, 31:16 // X. Bağırov, 02:33, 36:45, İ. Atayev, 16:13

Sarı vərəqələr: İ. Atayev, 17:14, R. Hüseynli, 27:37

Xəzər Cənub

24. Hamid Raşidi (q), 9. Farid Mazaheri, 11. Şahab Şahnaz, 13. Amir Şocayi, 20. İsaq Surqalı, 33. Reza Təbrizi (q), 7. Hadi Rezvan, 12. Raşid Qalapur, 10. Mehdi Pənahande (k), 78. Behzad Şebli, 99. İlkin Mirzəyev, 1. Əli Xadimi (q)

Menecer: Tuğsal Eliz

Araz

12. Rövşən Hüseynli (q), 8. Rizvan Fərzəliyev (k), 10. Nihad İsmayılov, 11. Xətai Bağırov, 17. İsa Atayev, 1. Kamran Hacıyev (q), 7. Ali Mikaeli, 9. Oktay Rüstəmli, 13. Hosseyin Seyidabolfaz, 14. Masoud Nasirzadegah, 15. Mohammadtaha Neyməti, 18. Adil İsmayılov, 19. Sadiq Cavid, 20. Emil Həsənzadə

Baş məşqçi: Joze Alesio Da Silva

Yasamal İSK – Neftçi İK 1:7 (0:3)

29 mart. Bakı İdman Sarayı. Saat 16:30

Hakimlər: Anar Fərəcov, Elvin Ağayev, İsgəndər Əliyev

Timekepeer: Rəmzi Hüseynov

Qollar: A. Əlimirzəyev, 20:44 // O. Baxşəlizadə, 01:06, 38:02, S. Şahnazi, 06:20, V. Xocayev, 12:29, 39:02, V. Borisov, 20:30, T. İsmayılov, 31:35

Yasamal İSK

23. Namaz İsmayılov (q), 5. Vüsal Səfərov (k), 11. Amil Əlimirzəyev, 3. Məhərrəm Orucov, 10. Məhəmməd Eyniyev, 1. Ceyhun Nağıyev (q), 19. Nirat Şahtaxtinski (q), 2. Anar İsayev, 6. Davud Bagheri, 13. Nihad Mahmudov, 14. İmran Təhmirazlı, 9. İbad Məmmədov

Rəhbər: Azər Əmənov

Neftçi İK

1. Samir Mehtiyev (q), 7. Rəcəb Fərəczadə (k), 13. Əjdər Əjdərov, 14. Vitali Borisov, 94. Oruc Baxşəlizadə, 23. Seyedəhməd Yaqubi (q), 6. Salar Şahnazi, 8. Vahib Xocayev, 17. Tural İsmayılov

Baş məşqçi: Hacıbala Abdullazadə