Bu gün Yüksək Liqada sonuncu – XXVIII turun oyunları keçirilib. Turun ilk oyununda əzəli rəqiblər - EKOL və “Araz” komandaları qarşılaşıb. Hər iki komanda play-off mərhələsinə vəsiqəni təmin etdiyindən oyun bir növ formal xarakter daşıyırdı. Finala gedən yolda da rəqib olacaq bu komandalar 4 gün əvvəl ölkə kubokunun ¼ final mərhələsində də üz-üzə gəlmişdilər və turu adlayan tərəf EKOL olmuşdu. Heyətlərə gəldikdə, EKOL cəzalı olduğuna görə Emin Kürdovun xidmətindən istifadə edə bilmirdi. Ramiz Çovdarovla Zaur Fərziyev də heyətdə yer almamışdı. “Araz” isə meydana tam heyətlə çıxmışdı. Fasiləyə komandalar oyuna başladıqları hesabla yollandılar. EKOL daha istəkli olsa da, rəqib baş məşqçi yarımfinal öncəsi ehtiyat qüvvəni də hazır vəziyyətə gətirməyi düşünürdü. Elə start “4-lük”, meydanda onların daha çox qalması da bunu deməyə əsas verirdi. İkinci hissə də eyni ssenari üzrə davam etdi. Ancaq 25-ci dəqiqədə Faiq Əliyev rəqibini keçmək istəyərkən topu itirməsi qapıçı ilə duelə yollanan Emil Həsənzadənin sükutu pozması ilə yükunlaşdı. 29-cu dəqiqədə “Araz” azlıqda qaldı. Xətai Bağırov birbaşa qırmızı vərəqə alaraq meydanı erkən tərk etdi. EKOL 2 dəqiqə ərzində say üstünlüyündən istifadə edə bilmədi. Daha doğrusu Radik Əhmədovun zərbəsi tirdən qayıtdı, bir epizodda isə Hüseynli “qalası”nı toxunulmaz saxladı. Oyunun sonlarına yaxın təzyiqi artıran EKOL-dan Əsgər Abasov yaxın məsafədən Rövşəni məğlub edə bilmədi. Nəticədə “Araz” əsas mərhələni qalib başa vurdu. İkinci oyun isə Hadi Rezvanın qolları sıralaması ilə yadda qaldı. 15 qol vuran hücumçu bombardirlər yarışında da birincidir. Bu tur meydana çıxmadan 3 xalı "Neftçi" aktivinə yazdırıb.

EKOL – Araz  0:1 (0:0)

4 may. Olimpik Star. Saat 14:30

Hakimlər: Hikmət Qafarlı, Ramil Namazov, İsgəndər Əliyev

Qollar: E. Həsənzadə, 25:15

Sarı vərəqələr: F. Ələkbərov, 32:30, S. Həmzəyev, 34:32 // A. Mikaeli, 07:44, M. Nasirzadegah, 25:54

Qırmızı vərəqə: X. Bağırov, 28:50

Araz

12. Rövşən Hüseynli (q, k), 7. Ali Mikaeli, 13. Hosseyin Seyidabolfaz, 14. Masoud Nasirzadegah, 19. Sadiq Cavid, 1. Kamran Hacıyev (q), 9. Oktay Rüstəmli, 10. Nihad İsmayılov, 11. Xətai Bağırov, 15. Mohammadtaha Neyməti, 8. Rizvan Fərzəliyev, 17. İsa Atayev, 18. Adil İsmayılov, 20. Emil Həsənzadə

Baş məşqçi: Joze Alesio Da Silva

EKOL

1. İntiqam Babayev (q), 4. Fərid Atakişiyev, 10. Samir Həmzəyev, 11. Namiq Məmmədkərimov (k), 17. Fərid Ələkbərov, 2. Radik Əhmədov, 5. Sərxan Məstiyev, 9. Əsgər Abasov, 77. Faiq Əliyev, 33. Ələsgər Ələsgərli

Məşqçi: Radik Əhmədov

Xəzər Cənub – Liman 24:7 (12:2)

4 may. Olimpik Star. Saat 16:30

Hakimlər: Rahin Heybətov, Elvin Ağayev, Vüsal Balaşov

Qollar: Ş. Şahnazi, 01:57, 35:24, 37:54, 39:28, H. Rezvan, 03:06, 03:32, 04:00, 04:47, 09:02, 10:30, 12:33, 14:49, 21:45, 24:16, 27:05, 32:24, 33:33, 37:10, 39:49,  İ. Mirzəyev, 07:32, 16:35, 34:02, R. Təbrizi, 15:46, 27:31  // V. Ansari, 04:20, 24:40,  H. Həsənov, 18:36, 27:54, 36:54, E. Əliyev, 31:58, C. Mahmudov, 35:46

Sarı vərəqə: H. Həsənov, 22:37

Xəzər Cənub

33. Reza Təbrizi (q), 7. Hadi Rezvan (k), 9. Farid Mazaheri, 78. Behzad Şebli, 11. Şahab Şahnazi, 24. Hamid Raşidi (q), 12. Raşid Qalapur, 13. Amir Şocayi, 20. İsaq Surqalı, 99. İlkin Mirzəyev, 1. Əli Xadimi (q)

Menecer: Tuğsal Eliz

Liman

22. Rauf Qasımov (q), 27. Vahid Ansari (k), 13. Elsevər Əliyev, 24. Camal Mahmudov, 3. Haqverdi Həsənov

Rəhbər: Fariz Əkbərov