Bu gün Yüksək Liqanın pley-off mərhələsinin 3-cü oyunları keçirilib. Bakı İdman Sarayına ilk olaraq əzəli rəqiblər “Araz” və EKOL çıxıb. Pley-off mərhələsində hərəyə bir qələbə qazanan tərəflərin düşərgəsində ab-hava fərqli idi. Belə ki, “Araz”da cəzası başa çatmış Xətai Bağırovla İsa Atayev komandasına kömək edirdisə, EKOL-da vəziyyət əksinə idi. İkinci oyundan sonra cəzalıların sayı artmışdı. Fərid Ələkbərovla Ramiz Çovdarov Emin Kürdovla birgə matçı tribunadan izləməyə məhkum olmuşdu. Zaur Fərziyevin adı protokola daxil edilsə də, zədəsi ciddi olduğundan komandasına ehtiyat oyunçular skamyasından dəstə olurdu. Oyuna gəldikdə, qarşılıqlı hücumların qurulduğu ilk yarıda cəmi bir qol vuruldu. Ali mikaeli “Araz”ın fasiləyə qalib yollanmasını təmin etdi. İkinci hissədə əvvəlcə EKOL status-kvonu bərpa etdi, amma cəmi 1 dəqiqə sonra Atayev hesabı “Araz”ın xeyrinə dəyişdi. Atayev 31-ci dəqiqədə dubl etməklə fərqi də artırdı. Oyunun başa çatmasına 2 dəqiqə qalmış Xətai Bağırov boş qapını nişan almaqla həm dönüşünü qolla qeyd etdi, həm də komandasının final gedən yolda son qolunu vurdu. Beləliklə seriyada 2:1 hesabı ilə önə keçən “Araz” finalda oynamaq hüququ qazandı. EKOL isə üçüncü yer uğrunda oyunda mübarizə aparacaq.

Araz – EKOL 4:1  (1:0)

14 may. Bakı İdman Sarayı. Saat 14:30

Əvvəlki oyunların nəticələri: 4:6, 3:0

Hakimlər: Ramil Namazov, Hikmət Qafarlı, Fuad Həsənov

Qollar: A. Mikaeli, 10:21, İ. Atayev, 28:14, 30:56, X. Bağırov, 38:10 // Ə. Abasov, 27:25

Sarı vərəqələr: A. İsmayılov, 38:10 // R. Əhmədiv, 31:57, F. Əliyev, 31:57

Araz

12. Rövşən Hüseynli (q), 8. Rizvan Fərzəliyev (k), 9. Oktay Rüstəmli, 11. Xətai Bağırov, 17. İsa Atayev, 1. Kamran Hacıyev (q), 7. Ali Mikaeli, 10. Nihad İsmayılov, 13. Hosseyin Seyidabolfaz, 15. Mohammadtaha Neyməti, 14. Masoud Nasirzadegah, 18. Adil İsmayılov, 19. Sadiq Cavid, 20. Emil Həsənzadə

Baş məşqçi: Joze Alesio Da Silva

EKOL

1. İntiqam Babayev (q), 2. Radik Əhmədov, 4. Fərid Atakişiyev, 11. Namiq Məmmədkərimov (k), 77. Faiq Əliyev, 5. Sərxan Məstiyev, 9. Əsgər Abasov, 10. Samir Həmzəyev, 14. Zaur Fərziyev, 33. Ələsgər Ələsgərli

Məşqçi: Radik Əhmədov