Final oyununa komandalar fərqli vəziyyətdə çıxmışdı. Daha doğrusu, “Araz” tam heyətlə mübarizəyə hazır olduğu məqamda “Xəzər Cənub” iki əsas oyunçusunun xidmətindən istifadə edə bilmirdi. Söhbət cəza üzündən matçı buraxan İsaq Surqalıdan və Behzad Şeblidən gedir. CBC Sport kanalı vasitəsi ilə canlı yayımlanan matçda fasiləyə qədər hər iki komandanın hesabı açmaq üçün kifayət qədər imkanı oldu. Hətta bir epizodda Neyməti topu boş qapıya dığırlamaq üçün özündə güc tapmadı. Rövşən Hüseynli də qurtarışları ilə əbəs yerə mövsümün ən yaxşı seçilmədiyini sübut etdi. Qollar ikinci hissədə vuruldu. Əvvəlcə rəqibin azlıqda qalmasından istifadə edən “Araz” hesabı açdı. Neymətinin qoluna 8 saniyə sonra Şocayi cavab verdi. Oyunun əsas vaxtında qalib müəyyənləşmədiyinə görə, komandalar hər biri 5 dəqiqədən ibarət əlavə iki hissədə mübarizə apardı. Yalnız ikinci əlavə vaxtın sonlarına yaxın “Araz” ardıcıl iki qol vurmaqla çempionluğu aktivinə yazdırdı. Əvvəlcə İsa Atayev qarşısıalınmaz zərbə ilə “doqquzluq”u nişan aldı. Ardınca Fərzəliyev boş qapıya düşməklə məsələni həll etdi. Nihad isə oyunda son nöqtəni qoydu. Beləliklə “Araz” 14-cü dəfə ölkə çempionu oldu. Üçüncü yer uğrunda oyunda “Neftçi”ni 4:2 hesabı ilə məğlub edən EKOL bürünc medal qazanıb.

Araz – Xəzər Cənub 4:1 (0:0)

17 may. Bakı İdman Sarayı. Saat 17:00

Hakimlər: Azər Əsgərov, Rahin Heybətov, Fuad Həsənov

Timekepeer: Rəmzi Hüseynov

Qollar: M. Neyməti, 25:14, İ. Atayev, 48:37, R. Fərzəliyev, 48:46, N. İsmayılov, 49:47 // A. Şocayi, 25:22

Sarı vərəqələr: İ. Atayev, 23:24, X. Bağırov, 29:38, A. Mikaeli, 48:37, E. Həsənzadə, 48:37 // N. Sayarı, 17:50, A. Şocayi, 18:48, Ş. Şahnazi, 18:48, R. Qalapur, 25:22

Qırmızı vərəqə: H. Raşidi, 24:24, R. Qalapur (oyundan sonra)

Araz

12. Rövşən Hüseynli (q), 8. Rizvan Fərzəliyev (k), 10. Nihad İsmayılov, 11. Xətai Bağırov, 15. Mohammadtaha Neyməti, 1. Kamran Hacıyev (q), 7. Ali Mikaeli, 9. Oktay Rüstəmli, 13. Hosseyin Seyidabolfaz, 14. Masoud Nasirzadegah, 17. İsa Atayev, 18. Adil İsmayılov, 19. Sadiq Cavid, 20. Emil Həsənzadə

Baş məşqçi: Joze Alesio Da Silva

Xəzər Cənub

24. Hamid Raşidi (q), 9. Farid Mazaheri, 8. Səcəd Nəsihi, 11. Şahab Şahnazi, 13. Amir Şocayi, 33. Reza Təbrizi (q), 7. Hadi Rezvan, 10. Mehdi Pənahande (k), 12. Raşid Qalapur, 20. Nayim Sayarı, 99. İlkin Mirzəyev

Menecer: Tuğsal Eliz