Bu gün keçirilmiş 3 oyunla Birinci Liqada mövsümə yekun vuruldu. “Yasamal” MFK Baku-B təyin olunan vaxtda meydana çıxmadığına görə, U-19-un hesabına daha 3 xal yazılıb. “Zəngilan” isə “Green Log”la bacarmayıb. Qələbə “Green Log”a mövsümü 4-cü pillədə başa vurmağa imkan verib. Turun əsas oyunu isə “Standard”la ADBTİA arasında keçirilib. Bu matça qədər ikinci pillədə qərarlaşan “Standard” gümüş medala sahib olmaq üçün uduzmamalı idi. ADBTİA fasiləyə 2 top üstünlüyü ilə yollanıb. İkinci hissədə də üstünlüyü əldən verməyən “idmançılar” qələbə qazanıb. Nəticədə ADBTİA gümüş medallara sahib çıxıb. Bürünc isə “Standard”a qismət olub. Son oyunda qələbə qazanmış “Baku Fire” isə ilk dəfə Birinci Liqanı zirvədə başa vurub.

Green Log - Zəngilan 5:3

Standard – ADBTİA 2:5

Sovetski – Baku Fire 2:5