XƏBƏRLƏR
-
YL, XI tur: Baku Fire - Neftçi İK (fotoreportaj)
-
“Şuşa” və “Alyans Qrup” qələbə ilə başladı
Bu gün Birinci Liqada X tura start verilib. İlk oyun günündə 2 matç baş tutub. Qış fasiləsindən sonra ilk qələbəni “Şuşa” qazanıb. İkinci oyun isə gərgin keçib. İddialı “Alyans Qrup” hesabı açsa da, fasilə ərəfəsində meydan sahibləri status-kvonu bərpa edib. İkinci hissədə üstünlüyünü hesaba daşıyan “Alyans Qrup” yekunda böyükhesablı qələbəyə sevinib.
-
Baku Fire - Neftçi İK 3:1 (video)
-
“Neftçi” İK “Baku Fire”lə yenə bacarmadı
Bu gün keçirilən 3 oyunla Yüksək Liqada qış fasiləsinə yekun vuruldu və III dövrəyə start verildi. Əlbəttə, komandaların fasiləni necə dəyərləndirdikləri maraq doğururdu.
CBC Sport-la canlı yayımlanan turun ilk və mərkəzi matçında hər iki komanda yeni futzalçılarını da oynatmaq imkanı qazandı. Qış fasiləsində Fərid Atakişiyev, Ali Mikaeli, Behzad Hassanzadehlə güclənən “Neftçi”dən fərqli olaraq “Baku Fire” braziliyalı legionerləri heyətinə cəlb etmişdi. İaqo Henrique və Leonardo ilk dəfə ölkəmizdə nəyə qadir olduqlarını göstərdilər. Meydan sahibləri cənubi amerikalılardan başqa, “Araz-Naxçıvan”dan Oktay Rüstəmlini, “Neftçi”dən isə Kənan Manafovu sıralarına qatmışdı.
Oyuna gəldikdə, kifayət qədər ehtiyatlı davranan komandalar bir-birinin səhv etməsini gözləyirdi. Bəlkə də buna görə idi ki, qapılar qarşısında kifayət qədər təhlükəli epizod yaradılmadı. Sükut 13-cü dəqiqədə pozuldu. Oktay Rüstəmli yeni komandasında debütünü qolla qeyd etdi. Bu həm də birinci hissədə vurulan yeganə qol oldu.
29-cu dəqiqədə Behzadın zərbəsindən sonra əvvəlcə qapı dirəyi, təkrar zərbənin ardınca Kamran hesaba tarazlıq gətirilməsinə imkan vermədi. 32-ci dəqiqədə “Neftçi” meydanda azlıqda qaldı. Asif Zeynalov ikinci sarı-qırmızı vərəqə alaraq meydanı erkən tərk etdi. Rəqibin azlıqda qalması meydan sahiblərinin işinə yaradı. Henriquenin ötürməsindən sonra Rüstəmli dubl etməklə hesabdakı üstünlüyü də 2 topa çatdırdı. Bundan sonra qapıçını da meydan oyunçusu ilə əvəzləyən “Neftçi” 36-cı dəqiqədə üçücü dəfə meydanın mərkəzinə dəvət olundu. Rüstəmli het-trikini rəsmiləşdirdi. Oyunda sonuncu qolu “Neftçi”dən Behzad Hassanzadeh vurdu. Beləliklə mərkəzi oyununda 3 xal qazanan “Baku Fire” turnir cədvəlindəki mövqeyini möhkəmləndirmiş oldu.
Lider üçün “Alyans”la duel məşq xarakterli keçdi desək, daha düzgün alınar. Əsasən heyətini gənclərdən quran əyalət təmsilçisinin heyətində het-trik edən Aqa Taklik Ali yadda qaldı. “Araz-Naxçıvan” isə böyükhesablı qələbə ilə xal ehtiyatını artırdı.
Turun son oyunu daha gərgin keçdi. Hesabı U-19 açsa da, rəqib ardıcıl 2 qol vurmaqla hadisələrin axarını lehinə dəyişdi. Amma mübarizədən qopmayan gənclər fasiləyə qədər status-kvonu bərpa etdi. İkinci hissədə daha üstün oyun nümayiş etdirən nominal qonaqlar yekunda 3 xalı qazanan tərəf oldu.
-
İkinci Liqa, X tur: Təyinatlar
İkinci Liqada X turun oyunlarına təyinatlar açıqlanıb. Matçlar fevralın 5-də Bakı İdman Sarayında
-
Birinci Liqa, X tur: Təyinatlar
Birinci Liqada X turun oyunlarına təyinatlar açıqlanıb. Matçlar fevralın 2-də və 3-də Bakı İdman Sarayında keçiriləcək.
-
Yüksək Liqa, XI tur: Təyinatlar
Yüksək Liqada XI turun oyunlarına təyinatlar açıqlanıb.
-
Polşa - Azərbaycan oyununun məkanı müəyyənləşib
DÇ-2024-ün əsas mərhələsi çərçivəsində martın 7-də keçiriləcək Polşa – Azərbaycan oyununun məkanı müəyyənləşib. Qarşılaşma Koszalin (Koşalin) şəhərindəki idman zalında baş tutacaq. Bu matç 6-cı qrupun sonuncu görüşü olacaq. Oyunun başlama saatı hələ açıqlanmayıb. Buna qədər Azərbaycan millisi Bakıda Yunanıstan yığmasını qəbul edəcək. Martın 3-də, saat 20:00-da başlayacaq oyun Bakı İdman Sarayında keçiriləcək.
