XƏBƏRLƏR
-
U-19-un rəqibləri noyabrda müəyyənləşəcək
2023-cü ildə keçiriləcək 19 yaşadək futzalçılardan ibarət komandalar arasında Avropa çempionatının seçmə mərhələlərinin püşkü noyabrın 3-də atılacaq.
-
Yüksək Liqa: Sarı vərəqələr
Yüksək Liqanın açılış turunda 11nəfər sarı vərəqə alıb. U-19-dan Əhməd İsmayılov isə qırmızı vərəqə alaraq “siftə” edib.
-
YL, I tur: U-19 - Record club (fotoreportaj)
-
YL, I tur: Araz-Naxçıvan - Alyans (Lənkəran)
-
Yüksək Liqa, II tur: Oyun cədvəli
Yüksək Liqada II turun oyun cədvəli açıqlanıb. Turun bütün qarşılaşmaları Olimpik Starda keçiriləcək.
-
YL, I tur: Baku Fire - Neftçi İK (fotoreportaj)
-
“Araz-Naxçıvan” və “Record club”dan böyükhesablı qələbə
Bu gün Yüksək Liqada yeni – 2022-2023-cü il mövsümünə start verilib. Mövsümün və turun ilk oyunundan əvvəl dövlət himni səsləndirilib. Sabah – 27 sentyabr Anım günü ilə əlaqədar “Şəhidlər olməz, Vətən bölünməz!” plakatını əllərində tutan oyunçular Azərbaycanın azadlığı və ərazi bütövlüyü uğrunda canından keçən şəhidlərin əziz xatirəsini bir dəqiqlik sükutla yad ediblər.
Mövsümün ilk oyunu – Baku Fire – Neftçi İK – qarşılaşmasında qapılara qol vurulmadı.
CBC Sport-la canlı yayımlanan oyunda ötən mövsümün bürünc medalçısı “Neftçi” və 3-cü yer uğrunda oyunda məğlub etdiyi “Baku Fire”i sınağa çəkdi. Yay fasiləsində hər iki komandanın heyətində ciddi dəyişikliklər olmuşdu. “Neftçi” sırf yerli futzalçılarla mübarizəyə başladısa, “Baku Fire”in heyətində İrandan dəvət olunmuş 2 legioner yer alırdı.
Oyuna nominal meydan sahibləri fəal başladı. Amma bu nisbi üstünlük idi, hesabı dəyişməyə kifayət etmədi. Tədricən vəziyyəti bərabələşdirən “Neftçi” iki epizodda hesabı açmağa yaxın olsa da, yekun istənilən kimi alınmadı. Hissənin sonuna 2 dəqiqə qalmış Sahand status-kvonu poza bilərdi. Beləliklə fasiləyə qədər qol vurulmadı. İkinci hissədə ən real qol epizodunu Sorouş qaçırdı. İranlı futzalçı qapıçı ilə duel zamanı Məmmədovu məğlub edə bilmədi. Qolkiper Nihadla Tofiqin də oxşar zərbələrini zərərsizləşdirdi. Cəhdlərə baxmayaraq, qapılara yol tapılmadı və futzalda nadir hallarda rast gəlinən hesab qeydə alındı.
Turun ikinci oyunu əksinə, məhsuldar keçdi. İkinci dəqiqənin əvvəlində Vitinyo hesabı açdı. Bu, həm də cari mövsümdə vurulan ilk qol oldu. Fasiləyə qədər rəqib qapısına ümumilikdə 7 dəfə yol taman ölkə çempionu üstünlüyünü ikinci hissədə də davam etdirdi. Yekunda 14:0 hesablı qələbə “Araz-Naxçıvan”ın siftəsi oldu.
Turun son matçı yenilənmiş U-19-u görmək baxımından maraqlı idi. Komandanın yeni yığıldığına görə hazır olmadığı görünürdü. Amma heyətdə istedadlı gənclər də az deyildi. Record club demək olar, iki eyni standart vəziyyətdən qollar vurdu. Matdan əsasən legionerlərdən qurulmuş “Record club” qalib ayrıldı.
Beləliklə mövsümün ilk sarı vərəqəsi Oruc Baxşəlizadəyə (Baku Fire) və Nurlan Mehdizadəyə (Neftçi İK), qırmızı vərəqəsi isə Əhməd İsmayılova (U-19) göstərildi.
-
Mövsümə start verildi (fotolar)
