XƏBƏRLƏR
-
Lideri dəyişən qələbə
Bu gün keçirilmiş 5 oyunlar XIV tura yekun vurulub. Günün ilk oyununda qapı toru cəmi bir dəfə silkələndi. Digər görüşdə isə “Baku Fire-2” böyükhesablı qələbəyə sevindi. “Ulduz” birinci hissədə rəqibinə yenilsə də, fasilədən sonra toparlanmağı və hesabı lehinə çevirməyi bacardı. “Baku Fans” – U-19 oyunu isə birincilərin təyin olunmuş vaxtda meydana çıxmaması üzündən baş tutmayıb. Turun sonuncu, həm də mərkəzi oyunu kifayət qədər maraqlı alındı. Xüsusilə də “Forza Neftçi” fan-klubun üzvləri hazırladıqları pankartlarla və şüarlarla komandalarını qələbəyə səsləyirdilər ki, bu da matça əlavə rəng qatırdı. Hesabı liderin ən yazın izləyicisi açdı. Təcrübəli Həbib Amanov rəqib torunu silkələdi. Növbəti qolun müəllifi isə Emin Quliyev oldu. Nominal qonaqlar fasiləyə qədər daha bir qol vurdu. “Forza Neftçi” ikinci hissəyə qolla başladı. 22-ci dəqiqədə Rəhman Cəfərov fərqi minimuma endirdi. Amma matçda son nöqtəni “Standard” qoydu. Beləliklə, “Forza Neftçi” mövsümdə ilk məğlubiyyətini almaqla yanaşı, liderliyi də əldən verdi. Əvəzində “Standard” “taxt”a yüksəldi.
-
İkinci Liqa, XII tur: Təyinatlar
İkinci Liqada XII turun oyunlarına təyinatlar açıqlanıb. Oyunlar dekabrın 1-də Bakı İdman Sarayında keçiriləcək.
-
Yüksək Liqa: Sarı vərəqələr
Dekabrın 2-də Yüksək Liqada X turun oyunları keçiriləcək. Üç futzalçı sarı vərəqə limitini doldurduğuna görə, komandasına kömək edə bilməyəcək:
-
“AjaxBaku”dan böyükhesablı qələbə
Bu gün Birinci Liqada XIV tura start verilib. İlk oyunda autsayder “Veqa” “Yasamal” İSK-2-nin qonağı olub. Hesabı “Veqa” açsa da, qələbəni nominal qonaqlar qazanıb. Qarabağ təmsilçilərinin dueli daha gərgin keçib. Oyunun gedişində 3 top fərqi ilə öndə olan “Qarabağ Füzuli” bir ara “Zəngilan”ın status-kvonu bərpa etməsinə mane ola bilməyib. Amma toparlananFüzuli təmsilçisi qələbəni aktivinə yazdırıb. “Rayyan” isə ikinci hissədə vurduğu qollar sayəsində fərq yarada bilib. “Metropoliten” isə starda məğlub duruma düşsə də, 3 xalı qazanan tərəf olub. Günün son matçında iddialı “AjaxBaku” böyükhesablı qələbə qazanıb.
-
Yüksək Liqa, IX turun xülasəsi (video)
-
Birinci Liqa, XIV tur: Təyinatlar
Birinci Liqada XIV turun oyuna təyinatlar açıqlanıb:
-
Yüksək Liqa, X tur: Təyinatlar
Yüksək Liqanın X turunun oyunlarına təyinatlar açıqlanıb:
-
Mövsümün ilk heç-heçəsi
Bu gün Yüksək Liqada IX turun oyunları keçirilib. İlk oyunda autsayder “Yasamal” İSK ilə iddialı “Marafon” qarşılaşıb. Komandalar meydana itki ilə çıxmışdılar. “Marafon”dan Vitali Borisovun adı protokola daxil edilsə də, o, səhhəti ilə əlaqədar meydana çıxmadı. Rəqib düşərgədə isə kapitan cəzalı olduğuna görə komandasına kömək edə bilmədi. Erkən qollar vuran “Marafon”un fasiləyə qədər daha çox fərqlənəcəyi gözlənilsə də, sona 6 saniyə qalmış “Yasamal” İSK fərqi minimuma endirdi.
İkinci hissəyə də “Marafon” qolla başladı. Növbəti dəfə hesab 35-ci dəqiqədə dəyişdi. Bu dəfə avtoqol qeydə alındı. Oyunda sonuncu qolu vuran da “Marafon” oldu.
Günün mərkəzi oyununda isə debütant “Premier” iddialı “Neftçi” ilə üz-üzə gəldi. Düzdü, oyuna “Neftçi” aqressiv başladı, amma hesabı açan tərəf Quba futzalçıları oldu. Bu matça qədər bütün görüşlərdə fərqlənən Firudin Ağalarov yenə rəqib torunu silkələməyi bacardı. Ağalarov hətta dubl etməyə də yaxın oldu. Amma təcrübəli Zamanov düzgün qərar verməklə onun istəyinin qarşısını aldı. “Neftçi” daha çox hücum edən tərəf olsa da, “Premier” əks-hücumlarda təhlükəli epizodlar yaradırdı. Ən azı 3 belə epizoddan yararlana bilmədi əylət klubu 14-cü dəqiqədə topu qapısından çıxardı. Tural İsmayılov effektli zərbə ilə status-kvonu bərpa etdi. “Neftçi”nin qapıçısı Elnur Zamanov isə zədələnərək meydanı erkən tərk etdi. Yarışın baş həkimi Esmiralda Ələkbərova tərəfindən ilkin yardım göstərilən qapıçının bir neçə oyunda meydana çıxmayacağı bildirildi. Fasilədən dərhal sonra “Neftçi” standard vəziyyəti uğurlu yerinə yetirdi. Ötürməni Emil Həsənzadə Qasımovun qapısından keçirdi. Nominal qonaqlar “vurmayana vurarlar” devizini rəhbər tutmaqda davam edirdi. Bu dəfə Oruc Baxşəlizadə adını tabloya yazdırdı. 30-cu dəqiqədə Quba futzalçıları fərqi minimuma endirdi. Sərxan Ağayev Firudinin qapıya paralel ötürməsini hədəfə yönəltdi. 33-cü dəqiqədə Sabir Əlişan 10 metrlik zərbə zamanı topu dirəyə tuşlamaqla hesabı bərabərləşdirmək şansını qaçırdı. İki dəfə isə Oqtay Rüstəmli qapıçını məğlub edə bilmədi. Oyunun başa çatmasına 39 saniyə qalmış “Premier” növbəti fürsəti əldən verdi. Bu dəfə Sərxan Ağayev 10 metrlik zərbəni tora qovuşdura bilmədi. Ağayev 10 saniyə qalmış isə dirəyin dibindən boş qapıya düşməyi bacarmadı. Nəticədə “Neftçi” 1 top fərqli qələbəyə sevindi.
Növbəti matçda isə hesabı “Baku Fire” açdı. Reza Tolouei komandasına üstünlük qazandırdı. Sonrakı dəqiqələrdə “tələbələr”in qol imkanları daha çox olsa da, istəklərinə ancaq ikinci hissənin əvvəlində çatdılar. Amma Renat Sultanovun uzaq “doqquzluğ”a sancdığı qol isə zöqvləri oxşadı. Təslim olmayan “Bakı” Məhəmmədlə hesaba tarazlıq gətirdi. 34-cü dəqiqədə “Bakı” meydanda azlıqda qalsa da, “Baku Fire” bu üstünlükdən faydalana bilmədi. Sonrakı dəqiqələrdə tərəflər hərəyə bir qol vurdu və xallar yarı bölündü. Yeri gəlmişkən, bu cari mövsümdə qeydə alınan ilk heç-heçə idi.
“Xızı Futzal” isə EKOL-la dueldə 10 dəqiqə tab gətirdi. Cəmi 2 dəqiqə ərzində 3 qol vuran EKOL gücünü göstərmiş oldu. Turun ən məhsuldar oyunu həm də hər iki komandanın qarşılıqlı qırmızı vərəqə alması ilə yadda qaldı.
Turun son oyunu da maraqlı statla seçildi. “Araz”ın favorit hesab olunduğu qarşılaşmada ilk qolu “Record club” vurdu. Amma son çempionun cavabı sərt oldu. Əvvəlcə Xətai, ardınca İsa rəqib qapısını “top”a tutdu. Bundan sonra üstünlüyünü əldən verməyən lider fərqi artırmağa da nail oldu. Rəqib isə məhdud heyətə rəğmən, mübarizəsini sona qədər davam etdirdi.
Onu da vurğulayaq ki, “Araz”dan Rizvan Fərzəliyev və Ramiz Çovdarov zədəli, “Record club”dan isə Sina Jamali cəzalı olduğuna görə komandasına kömək edə bilmirdi.
