Azərbaycan Futzal Federasiyası

XƏBƏRLƏR

Yüksək Liqa, IV tur: Yasamal İSK - EKOL (fotoreportaj)
Debütantların duelini Quba futzalçıları qazandı
Bu gün Yüksək Liqada IV turun oyunları keçirildi. İlk oyunda iddialı EKOL son pillədə qərarlaşan “Yasamal” İSK ilə qarşılaşdı. “Yaşıllar” matçın taleyini birinci hissədə həll etdi və fasiləyə 4 top fərqi ilə yollandı. İkinci hissədə isə komandalar hərəyə 4 qol vurdu. Yekunda 3 xal qazanan EKOL xal ehtiyatını 9-a çatdırdı. “Neftçi” isə qələbələri sıralayır. Hacıbala Abdullazadənin yetirmələri bu dəfə debütant “Record club”u üstələdi. Düzdü, əsasını legionerlər təşkil edən debütant müqavimət göstəməyə çalışdı, amma məğlubiyyətdən qaçmaq mümkün olmadı. “Record club”un heyətində Sina Jamali poker edib. “Neftçi”dən isə qapıçı Cavad Məmmədov qurtarışları ilə rəğbət qazanıb. Debütantların duelində “Bakı” əksər hallarda hesabda önə keçən tərəf olsa da, Quba futzalçıları istədiyi nəticəni qazana bildi. Firudin Ağalarov dubl etməklə aktivindəki qolların sayını 10-a çatdırdı. Gələn həftə Çempionlar Liqasında iştirak edəcək “Araz” üçün “Xızı Futzal”la oyun ciddi məşq təsiri bağışladı.
Apellyasiya Arbitraj Tribunalının qərarları
AFFA-nın Apellyasiya Arbitraj Tribunalının qərarlarını diqqətinizə çatdırırıq:
Bu gün IV turun oyunları keçiriləcək
Bu gün Yüksək Liqada IV turun oyunları keçiriləcək.
“Forza Neftçi”dən “come back”
Bu gün keçirilmiş 5 oyunla Birinci Liqada IV tura start verilib. Günün ilk oyunu baş tutmayıb. Belə ki, “Baku Fans” və “Veqa” komandaları meydana eyni rəngdə olan formada çıxıblar. Meydan sahibi “Baku Fans” olduğu üçün rəqibə formalarını dəyişdirmək təklif olunub. Komanda ehtiyat formasını zala gətirmədiyinə görə oyun keçirilməyib. Nəticə ilə bağlı İntizam Komitəsi qərar verəcək. “Qarabağ-Füzuli” – “Xızı Yasamal” görüşü isə maraqlı məqamlarla yadda qalıb. Ardıcıl 3 top vuran “Xızı Yasamal” fasiləyə 2 top fərqlə məğlub yollanıb. Amma ikinci hissədə toparlanan Yasamal futzalçıları hesabı xeyrinə dəyişə bilib və mövsümdə ilk qələbəsini qazanıb. Növbəti oyun daha gərgin keçirb. Elə fasiləyə qədər cəmi 1 qolun vurulması da bunun göstəricisidir. Amma məğlubiyyətə rəğmən gənclərdən qurulmuş “Baku Fire-2” xoş sözlərə layiqdir. Turun mərkəzi oyununda liderlər qrupunda yer almış iki komanda üz-üzə gəlib. Fasiləyə təcrübəli “idmançılar” üstün yollansa da, “fanatlar” ikinci hissədə daha məhsuldar olublar. Nəticədə qələbəni “Forza Neftçi” aktivinə yazdırıb. Günün son oyunu heç-heçə başa çatıb.
Yüksək Liqa, III tur: "Araz" - "Yasamal" İSK (fotoreportaj)
“Araz” iştirak ərizəsini UEFA-ya göndərdi
UEFA Çempionlar Liqasında iştirak edəcək “Araz” oyunçuların siyahısını qitənin ali futbol qurumuna göndərib. Təmsilçimiz 13 futzalçı ilə mübarizə aparacaq.
Yüksək Liqa, III tur: Premier (Quba) - Baku Fire (fotoreportaj)