Azərbaycan Futzal Federasiyası

XƏBƏRLƏR

Böyükhesablı qələbə
UEFA Çempionlar Liqasının 2024-2025-ci il mövsümündə “Araz-Naxçıvan” ilkin mərhələdə mübarizəyə başlayıb. Təmsilçimiz Şimali İrlandiyanın “Sparta Belfast” klubu ilə üz-üzə gəlib. Təmsilçimiz matça itki ilə çıxmışdı. Belə ki, Lazar Milosavljeviç qırmızı vərəqə cəzalısı olduğuna görə, bu oyunu buraxmalı olub. Matçda hesabı Giovanni açıb. Braziliyalı fasilə ərəfəsində növbəti dəfə rəqib torunu silmələməklə komandasının üstünlüyünü 2 topa çatdırıb. İkinci hissəyə də Valrionun qolu ilə başlayan “qırmızı-ağlar” 29 saniyə sonra Manafovla hesabdakı fərqi 4 top çatdırdı. Yeni transferlərdən Yaniç də adını tabloya yazdırdı. 6-cı qolun müəllifi Amadeu olub. Oyunda son nöqtəni Emil Həsənzadə qoydu. Beləliklə ilk oyunda böyükhesablı qələbə qazanan təmsilçimiz mübarizəyə uğurla start verib. Komandamız sabah Estoniya çempionu “Sillamae Silla” ilə üz-üzə gələcək. Görüş Bakı vaxtı ilə saat 18:00-da start götürəcək.
Təmsilçimiz mübarizəyə başlayır
"Araz-Naxçıvan" UEFA Çempionlar Liqasının 2024-2025-ci il mövsümünün ilkin mərhələsində bu gün ilk oyununu keçirəcək. Görüş saat 18:00-da başlayacaq. Oyunu bu link vasitəsilə izləyə bilərsiniz: https://app.staylive.io/uddevallafutsalclub
“Araz-Naxçıvan” İsveçə 14 futzalçı ilə yollandı
UEFA Çempionlar Liqasının ilkin mərhələsində çıxış edəcək “Araz-Naxçıvan” bu gün səhər saatlarında İsveçə yollanıb. Bakı-İstanbul-Göteborq reysi ilə səfərə çıxan təmsilçimiz Göteborqdan oyunların keçiriləcəyi Uddevalla şəhərinə avtobusla yola düşəcək. Baş məşqçi Vitali Borisov UEFA Çempionlar Liqasının ilkin mərhələsinin matçlarına 3-ü qapıçı olmaqla 14 futzalçı aparıb. Marko Prşiç səhhətində yaranmış problemlə əlaqədar Bakıda saxlanılıb.
“Tapşırıq aydındır”
UEFA Çempionlar Liqasının ilkin mərhələsində mübarizə aparacaq “Araz-Naxçıvan” avqustun 21-də “Sparta Belfast”, ertəsi gün Estoniya çempionu “Sillamae Silla”, avqustun 24-də isə İsveçin “Uddevalla” klubu ilə qarşılaşacaq. Təmsilçimizin düşərgəsindəki vəziyyətlə tanış olmaq üçün baş məşqçi Vitali Borisovla söhbətləşdik.
“Araz-Naxçıvan”ın ÇL üçün heyəti
UEFA Çempionlar Liqasının ilkin mərhələsində çıxış edəcək “Araz-Naxçıvan” heyətlə bağlı yekun siyahını UEFA-ya göndərib. 15 nəfərlik siyahıda 3 qapıçı yer alıb.
Əli Cəbrayılov beynəlxalq təyinat alıb
Futzal üzrə FIFA referisi Əli Cəbrayılov beynəlxalq təyinat alıb.
“Araz-Naxçıvan”ın oyunlarına təyinatlar
UEFA Çempionlar Liqasının ilkin mərhələsində mübarizə aparacaq “Araz-Naxçıvan”ın avqustun 21-də “Sparta Belfast”, ertəsi gün “Sillamae Silla” ilə keçirəcəyi oyunlara hakim təyinatı açıqlanıb.
“Baku Fire” Qazaxıstan klubunu məğlub edib
Yeni mövsümün hazırlığını davam etdirən Yüksək Liqa təmsilçisi “Baku Fire” yoxlama oyunu keçirib. Təmsilçimiz Bakıda təlim-məşq toplanışında olan Qazaxıstanın “Astana” klubu ilə qarşılaşıb.