XƏBƏRLƏR
-
Azərbaycan kuboku, 1/32 final (fotoreportaj-3)
-
1/32 final mərhələsinə yekun vuruldu
Bu gün keçirilən 9 oyunla ölkə kubokunun 1/32 final mərhələsinə yekun vuruldu. İlk oyunda “Avanqard” rəqibinə göz açmağa imkan vermədi. Hesab da bunu göstərir. Amma ikinci oyun maraqlı keçdi. “Ulduz” zəif çıxış etməsə də, son saniyələrdə hesabı bərabərləşdirmək şansını qaçırdı. Halbuki, Elşad İbrahimlinin yetirmələri bunu reallaşdıracaq gücdə idi. “Gilan Construction” isə yenilənmiş SAB-ı mübarizədən kənarlaşdırdi. Əsasən gənc futzalçılardan təşkil olunmuş SAB oyunu ilə izləyicilərin alqışını qazandı. Günün, bəlkə də mərhələnin ən gərgin oyunu “Xəzər Astara” – “Atletiko Baku” matçı oldu. Fasiləyə minimalhesablı üstünlüklə yollanan əyalət təmsilçisi ikinci hissənin əvvəlində bunu əldən versə də, sona yaxın əvvəlcə 10 metrlik zərbə ilə hesabı lehinə dəyişdirdi. Qalan dəqiqələrdə daha 2 qol vuran, bir dəfə isə 10 metrlik zərbədən yararlana bilməyən “Xəzər Astara” mərhələni adlayan tərəf oldu. Əsasən gənclərdən təşkil olunmuş “Füzuli” də mübarizəni davam etdirənlər sırasında yer almağı bacardı. “Zəngilan” – “Bibi-Heybət” qarşılaşması da gərginliyi ilə yadda qaldı. Fasiləyə qədər qapılara qol vurulmayan qarşılaşmanın ikinci hissəsində nominal qonaqlar hesabı açsa da, təcrübəli Qədir Rüstəmov status-kvonu bərpa etdi. Əsas vaxtda qalib müəyyənləşmədiyinə görə, komandalar hər biri 5 dəqiqədən ibarət əlavə iki hissədə mübarizə apardı. “Bibi-Heybət” qələbəni aktivinə yazdırdı. AZMİU - “Rəvan” dueli sürprizlə başladı. “tələbələr” ardıcıl 2 qol vurmaqla iddialı “Rəvan”a şok yaşatdı. 12-ci dəqiqədə Pərviz Qaraxanov penaltini qaçırsa da, komanda yoldaşları fasiləyə qədər status-kvonu bərpa edə bildi. Növbəli qol prinsipi ikinci hissədə də davam etdi. 8 qol vurulsa da, qalib müəyyənləşmədi və komandalar əlavə iki hissədə gücünü sınamalı oldu. Rəqibin yorğunluğundan da maksimum istifadə edən “Rəvan” 3 top fərqi ilə qalib gəldi. İkinci Liqanın lideri “Obolon” sürprizə imkan vermədi. Mərhələnin son oyunu da kifayət qədər maraqlı alındı. Xüsusilə də “STAR karqo”nun heyətində yer alan Ramal Hüseynovu, eləcə də qardaşı Zeynalabdin Hüseynovu futbol azarkeşləri daha yaxından tanıyır. Vaxtilə milli komandanın da formasını geyinmiş Ramal indi futzal üzrə İkinci Liqada çıxış edən “STAR karqo”ya keçib. O, debütünü həm sarı, həm qolla qeyd etdi. Oyun isə dramatik alındı. “STAR karqo” sona 20 saniyə qalmış hesabı bərabərləşdirdi və matç əlavə vaxta daşındı. Əlavə vaxtda ardıcıl qollar vuran “Standard” oyunu qalib başa vurdu
1/16 finalda bu komandalar mübarizə aparacaqlar: “Green Log”, “Advokat”, “Borçalı”, ADBTİA, “Baku Fire”, “Dalğa”, “Təbriz”, “Mübariz”, “Hövsan”, “Avanqard”, “Gənclik”, “Gilan Construction”, “Xəzər Astara”, “Füzuli”, “Bibi-Heybət”, “Rəvan”, “Obolon”, “Standard”.
Püşkatmanın tarixi barədə əlavə məlumat veriləcək.
-
Mərhələnin son oyun günü
Bu gün Olimpik Starda keçiriləcək 9 oyunla Azərbaycan kubokunun 1/32 final mərhələsinə yekun vurulacaq. Günün oyun cədvəlini və qarşılaşmaları idarə edəcək hakimləri diqqətinizə çatdırırıq:
-
Azərbaycan kuboku, 1/32 final (fotoreportaj-2)
-
Baku Fire, Dalğa, Mübariz, Təbriz və Hövsan 1/16 finalda
Bu gün Azərbaycan kubokunun 1/32 final mərhələsində daha 5 oyun keçirildi. Günə “Baku Fire” derbisi ilə start verildi. Birinci Liqanın iddialı komandası böyükhesablı qələbəyə sevindi. Amma “ikincilər”in asan təslim olduğunu demək də düzgün olmazdı. İkinci oyun daha maraqlı alındı. “Baku Fans” erkən qol vursa da, “Dalğa”nın cavabı gecikmədi. Cəmşid Məhərrəmov fasiləyə qədər ardıcıl iki qol vurmaqla komandasına üstünlük qazandırdı. İkinci hissədə qapılara qol vurulmadığından İkinci Liqa təmsilçisi növbəti mərhələyə yüksəldi. Yeni adı ilə ilk oyununa çıxan “Mübariz” FK-nın işi də çətin olmadı. “Təbriz” də “Abşeron”dan üstün olmağı bacardı. Günün son oyununda qələbəni və vəsiqəni “Hövsan” qazandı. Beləliklə Baku Fire, Dalğa, Mübariz, Təbriz və Hövsan 1/16 finaldakı rəqiblərini gözləyirlər.
-
Bu gün daha 5 oyun keçiriləcək
Bu gün Azərbaycan kubokunun 1/32 final mərhələsində daha 5 oyun keçiriləcək. Görüşlər saat 18:00-dan etibarən Olimpik Starda baş tutacaq.
-
Azərbaycan kuboku: 1/32 final (fotoreportaj-1)
-
Dörd komanda növbəti mərhələdə
Bu gün Azərbaycan kubokunun 1/32 final mərhələsinə start verilib. Əvvəlcədən də xəbər verdiyimiz kimi, Birinci və İkinci liqa komandaları bir-birinə rəqib olub. Mərhələnin ilk iki oyunu gərgin matçlarla yadda qalıb. Fasiləyə qədər rəqib qapısından 2 cavabsız top keçirmiş “Green Log” ikinci hissədə qapısını toxunulmaz saxlaya bilməyib. “Baker Tilly” fərqi minimuma endirsə də, artığına gücü çatmayıb. U-19-da mübarizəni startdaca dayandırıb. “Advokat”la matçın gedişində 2 top fərqi ilə geri düşən Ağatahir Əzimovun yetirmələri status-kvonu bərpa etsə də, sona yaxın məğlubiyyətdən qaça bilməyib. Üçüncü oyun məhsuldarlığı ilə yadda qalıb. “Borçalı” böyükhesablı qələbə sayəsində növbəti mərhələyə adlayıb. Elə ADBTİA da inamlı qələbə qazanıb.
