XƏBƏRLƏR
-
Bu gün 4 oyun keçiriləcək
Bu gün ölkə kubokunun 1/32 final mərhələsinə start veriləcək. Olimpik Starda keçiriləcək mərhələ çərçivəsində bu gün 4 oyun baş tutacaq.
-
Rövşən Binnətlinin 60 illik yubileyi qeyd olundu
Azərbaycanın tanınmış idman jurnalisti, hazırda "CBC Sport" telekanalında çalışan Rövşən Binnətlinin 60 illik yubiley mərasimi keçirilib. Bakı Olimpiya Stadionunda keçirilən tədbirdə müxtəlif idman ictimaiyyətinin nümayəndələri, jurnalistlər və səbəbkarın döyüş yoldaşları iştirak ediblər.
-
“Neftçi” sabiq “Araz”lıları yoxlayır
-
Oyun cədvəlində dəyişiklik edilib
Azərbaycan kubokunun 1/32 final mərhələsinin oyun cədvəlində dəyişiklik edilib. Green Log - Baker Tilly matçı saat 22:30-da deyil, 18:30-da start götürəcək. U-19 – Advokat və Füzuli - Bədr FK Xocalı görüşlərinin başlama günü və saatı da dəyişdirilib.
-
25-ci kuboku kim qazanacaq?
Həftəsonu futzal üzrə Azərbaycan kubokunda 2018/2019-ci il mövsümünə start veriləcək. Bu dəfə mübarizə 1/32 finaldan başlayacaq. Reqlamentə əsasən Birinci və İkinci liqa komandaları bir-birinə rəqib olacaq. Oyunlar 3 gün ərzində - yanvarın 11-də, 12-də və 13-də Olimpik Starda keçiriləcək. Bu mərhələnin qalibləri daha onra 1/16 finalda rəqib olacaqlar. Yüksək Liqa iştirakçıları 1/8 finaldan başlayaraq kubok oyunlarında iştirak edəcəklər.
Əvvəlki 24 kubok mövsümündə 10 komanda yarışın qalibi olub. Müxtəlif adlarla çıxış edən “Neftçi” hamıdan çox – 6 dəfə (1994/95, 1995/96, 2009/10, 2012/13, 2013/14, 2016/17) kuboku başı üzərinə qaldırıb. Araz” 5 dəfə (2004/05, 2005/06, 2006/07, 2007/08, 2008/09) bu mükafata sahib olub.
Digər kubok sahiblərindən EKOL 3 (2010/11, 2011/12, 2015/16), “Avtomobilçi” (1996/97, 1997/98), “Azərneftyanacaq” (1999/00, 2000/01) və “Gömrükçü” (2001/02, 2002/03) hərəyə 2 dəfə kubokun qalibi adına yiyələnib. Dörd komanda isə bir dəfə belə uğura nail olub. “Nabspor” 1998/99, “Turan AİR” 2003/04, “Fənər” FK 2014/15 və “Marafon Futsal” 2017/18 mövsümündə kuboku qazanıb. Maraqlıdır ki, kubokun son qalibi, eləcə də finalçı komanda cari mövsümdə iştirak etmir.
-
“Hicran” FK adını dəyişdirib
-
“Araz” iranlı futzalçılarla güclənir
Qış fasiləsi zamanı Ramiz Çovdarov, Ruzigar İbrahimzadə və Elşən İbramxəlilovla yollarını ayıran “Araz” güclənmək istiqamətində fəaliyyətini davam etdirir. Klubdan verilən məlumata görə, son çempion 3 iranlı futzalçı ilə anlaşıb. “Yasamal” MFK Baku-dan Sadiq Cavid, “Xəzər Cənub”dan isə Ali Mikaili və Masud Nasirzade fasilədən sonra baş məşqçi Joze Alesio da Silvanın sərəncamında olacaq.
Qeyd edək ki, “Araz” ilk iki dövrədən sonra 27 xal toplayıb və lider EKOL-dan 2 xal geri qalır.
-
Azərbaycan kuboku, 1/32 final: Təyinatlar
Azərbaycan kubokunun 1/32 final mərhələsinin oyunlarına təyinatları diqqətinizə çatdırırıq:
