Azərbaycan Futzal Federasiyası

XƏBƏRLƏR

Bu dəfə “zirzəmi”də yerdəyişikliyi
Bu gün İkinci Liqada XXI turun oyunları keçirilib. Bakı İdman Sarayında keçirilən turun ilk oyunu məhsuldar alınıb. Elə liderin görüşü də bol qollu olub. Gözlənilməz nəticə “Gənclik” – “Advokat” qarşılaşmasında qeydə alınıb. Qış fasiləsində güclənən “STAR karqo” isə “Təbriz”dən güclü olub. “Mübariz” isə çempionatda yeni adı altında ilk qələbəsini aktivinə yazdırıb. Turun son oyununun nəticəsi isə autsayderi dəyişib.
XVII tura yekun vurulub
Bu gün Bakı İdman Sarayında keçirilmiş 4 oyunla Birinci Liqada XVII tura yekun vurulub. Lider böyükhesablı qələbəyə sevinib. İzləyicisi də turu itkisiz başa vurub. Mərkəzi oyunda isə U-19 məğlub olub. “Abşeron” isə birinci dövrədə olduğu kimi yenə “Çinar Cəbrayıl”dan üstün olub.
YL: Liman - Neftçi İK (fotoreportaj)
Oyunların yarısında heç-heçə
Birinci Liqada XVII turun oyunlarına start verilib. Günün oyunlarından tən yarısı heç-heçə başa çatıb. Metropoliten və ADBTİA isə aktivlərinə 3 xal yazdırıb.
YL: Xəzər Cənub - EKOL (fotoreportaj)
YL: "Araz" - "Yasamal" İSK (fotoreportaj)
“Xəzər Cənub” EKOL-u “zirvə”dən endirdi
Bu gün Yüksək Liqada XVII turun oyunları keçirildi. İlk oyun gözlənildiyi kimi son çempionun böyükhesablı qələbəsi ilə başa çatdı. Amma qış fasiləsində heyətini gücləndirən “Yasamal” İSK təcrübəli rəqibinə müəyyən məqamlarda müqavimət göstərməyi bacardı. Turun mərkəzi oyununda isə qış fasiləsindən sonra ilk dəfə meydana çıxan EKOL və “Xəzər Cənub” üz-üzə gəlib. Daha təhlükəli hücumlar quran “Xəzər Cənub”dan Səcəd Nəsihi əvvəlcə tiri nişan alsa da, 4-cü dəqiqədə toru silkələməyi bacardı. Yeri gəlmişkən, Emin Kürdov zədəli olduğuna görə qapını İntiqam Babayev qoruyurdu. EKOL 17-ci dəqiqədə hesaba tarazlıq gətirdi. Əsgər Abasov rəqib qapısına yol tapdı. Komandalar fasiləyə bu hesabla yollandılar. İkinci hissədə sükutu Amir Şocayi pozdu. İranlı hücumçunun zərbəsi dəqiq oldu və komandasını hesabda önə keçirdi. Bu qol sanki oyunda dönüş nöqtəsi oldu. Debütant daha 3 qol vurmaqla qələbəni təmin etdi, EKOL-u isə liderlikdən endirdi. Yeri gəlmişkən, qış fasiləsindən sonra turnir cədvəlinin ilk “3-lüy”ündə yer alan komandalarla qarşılaşan “Xəzər Cənub” iki qələbə qazanıb, “Araz”la isə xalları yarı bölüb. Turun son oyunu “Neftçi”nin qələbəsi ilə yadda qaldı. Nəticədə Hacıbala Abdullazadənin yetirmələri ikinci pilləyə yüksəldi.
Bu gün XVII turun oyunları keçiriləcək
Bu gün Bakı İdman Sarayında Yüksək Liqanın XVII turunun oyunları keçiriləcək. Təbii ki, turun mərkəzi oyunu Xəzər Cənub və EKOL komandası arasında baş tutacaq. Tura isə son çempionun iştirakı ilə start veriləcək: