Azərbaycan Futzal Federasiyası

AZƏRBAYCAN KUBOKU

Badamlı Azərbaycan kuboku: Fotoreportaj-1
Ölkə çempionu mübarizəni dayandırdı
Bu gün keçirilmiş 4 oyunla Badamlı Azərbaycan kubokunun 1/8 final mərhələsinə yekun vurulub. Maraqlı nəticələrdən biri “Baker Tilly” – “Araz-Naxçıvan” oyununda qeydə alınıb. Cəmi 5 futzalçı ilə matça gələn ölkə çempionu hətta qapıçı Rövşən Hüseynlinin xidmətindən meydan oyunçusu kimi istifadə edib. Hüseynli isə görüşdə dubl edib, amma qələbəni İkinci Liqa təmsilçisi bayram edib. “Advokat” isə hesabda iki dəfə geri düşdüyü matçda “Alyans”ı son saniyələrdə vurduğu qolla yendi. “Bibi-Heybət” – “STAR kargo-2” görüşünün qalibi əlavə vaxtda müəyyənləşib və İkinci Liqanın iki təmsilçisinin qarşılaşmasını nominal meydan sahibləri qazanıb. Mərhələnin son oyunu “Neftçi” üçün yaxşı başlamayıb. “Atletiko Baku” ardıcıl qollar sayəsində hesabı xeyrinə dəyişib 3:1. Amma tədricən toparlanan Yüksək Liqa iştirakçısı qələbə qazanmağı bacarıb.
Kubokun 4 oyunu keçirilib
Badamlı Azərbaycan kubokunun 1/8 final mərhələsi çərçivəsində bu gün 4 oyun keçirilib. Bakı İdman Sarayında ilk matçda Yüksək Liqanın iki təmsilçisi üz-üzə gəlib. İlk hissədə rəqib qapısına 2 dəfə yol tapan EKOL mərhələ adlayan tərəf olub. Qış fasiləsində heyətini gücləndirən “Alyans Qrup” isə U-19-dan güclü olub. Forza Neftçi – Xilə matçı isə başa çatmayıb. Belə ki, Birinci Liqanın lideri hesabda 12:2 öndə olan zaman “Xilə”nin qapıçısına tibbi yardım göstərilməsi üçün həkim meydana daxil olub və qaydalara görə qapıçı meydanı tərk edib. Yüksək Liqa təmsilçisinin ehtiyat qapıçısı olmadığına görə hakimlər matçı davam etdirməyib. Nəticə ilə bağlı İntizam Komitəsi qərar verəcək. Günün son duelini isə Yüksək Liqa təmsilçisi qazanıb. “Baku Fire” İSMA M.A Baku-dan güclü olub.
Badamlı Azərbaycan kuboku: 1/8 final
Fevralın 19-da Badamlı Azərbaycan kubokunun 1/8 final mərhələsinin oyunlarına start veriləcək. Qarşılaşmalardan 4-ü şənbə, qalan 4-ü isə bazar günü baş tutacaq. Bakı İdman Sarayında keçiriləcək oyunlar azarkeşlər üçün qapalıdır.
Badamlı Azərbaycan kuboku: Oyun cədvəli
Badamlı Azərbaycan kubokunun 1/8 final mərhələsinin oyun cədvəli açıqlanıb. Görüşlər fevralın 19-da və 20-də Bakı İdman Sarayında keçiriləcək.
Badamlı Azərbaycan kuboku: Püşkatma (video)
Püşkatma mərasimi: Fotoreportaj
Püşkatma mərasimi keçirilib
Bu gün Badamlı Azərbaycan kubokunun 1/8 final mərhələsinin püşkü atılıb. Yüksək Liqa komandaları bu mərhələdən mübarizəyə qoşulub. Ümumiyyətlə, 16 komandadan 2-si Birinci, 6-sı İkinci, qalan 8-i isə Yüksək liqa komandalarıdır. Bakı İdman Sarayında keçirilən püşkatma mərasimində əvvəlcə komandalara reqlament barədə məlumat verilib, suallar cavablandırılıb. Daha sonra püşk atılıb. Bu mərhələnin oyunları fevralın 19-da və 20-də keçiriləcək.