Azərbaycan Futzal Federasiyası

A MİLLİ

Millimiz yoldaşlıq oyunu keçirib
Avropa çempionatının final mərhələsinə hazırlıq məqsədi ilə Azərbaycan millisi bu gün Belçika yığması ilə qarşılaşıb. İsa Atayevin yüngül zədəsi olduğundan, görüşə ikinci hissədə qoşulub. Oyuna rəqib fəal başlayıb. Artıq 2-ci dəqiqədə meydan sahibləri hesabı açıb. 8-ci dəqiqədə isə Fariri uzaqdan qüvvətli zərbə ilə fərqi 2 topa çatdırıb. Ardınca Fineo qırmızı vərəqə alaraq komandanı azlıqda qoyub. İki dəqiqədən sonra tam heyətlə mübarizəni davam etdirən komandamız fərqi minimuma endirməyi bacarıb. Vassoura adını tabloya yazdırdı. Bir qədər sonra Xətai Bağırov hesabı bərabərləşdirməyə yaxın olub. Hissənin sonuna yaxın baş məşqçi Alesio qapıçını meydan oyunçusu ilə əvəzləyib. Bu da rəqib qapçının qol vurmasına şərait yaradıb. İkinci hissəyə də komandamız yaxşı başlamayıb. Bu dəfə Xətai Bağırov ikinci sarı-qırmızı vərəqə alaraq meydanı tərk edib. İsa və Ramizin iki epizodda zərbəsi təhlükəli alınıb. Fasilədən sonra ilk qolu isə Qallo vurub və fərqi minimuma endirib. Amma 2 dəqiqə sonra Lukas yenidən qapımıza yol tapıb. 37-ci dəqiqədə komandamız 10 metrlik cərimə zərbəsi vurmaq hüququ qazanıb. Tyaqo dəqiq oynayıb. Oyunda son nöqtəni isə Lukas qoydu.
Belçika – Azərbaycan: Heyətlər
Bu gün keçiriləcək Belçika-Azərbaycan yoldaşlıq oyununa komandalar bu heyətlə çıxacaq:
Millinin məşqi. Borgloon (fotoreportaj)
Bu gün saat 17:00: Belçika – Azərbaycan
Avropa çempionatının final mərhələsinə hazırlığını davam etdirən Azərbaycan millisi bu gün yoldaşlıq oyunu keçirəcək. Komandamız Borgloon şəhərində Belçika yığmasının qonağı olacaq. Bakı vaxtı ilə saat 17:00-da başlayacaq oyun azarkeşlər üçün qapalı keçiriləcək. Yüngül zədəsi olan İsa Atayev matçda iştirak etməyəcək. Görüşü yerli hakimlər briqadası idarə edəcək.
Millinin AÇ üçün heyəti
Avropa çempionatının final mərhələsində iştirak edəcək Azərbaycan millisinin Bakıdakı təlim-məşq toplanışı yekunlaşıb. Bu gün Bakı-İstanbul-Brüssel hava reysi ilə səfərə çıxan millimiz yanvarın 17-də Borgloon şəhərində Belçika yığması ilə keçiriləcək yoldaşlıq oyununa avtobusla yollanacaq. Yoldaşlıq matçı Bakı vaxtı ilə saat 17:00-da başlayacaq. Baş məşqçi Joze Alesio Da Silva heyətə bu futzalçıları dəvət edib:
Oyun azarkeşlərsiz keçiriləcək
Xəbər verdiyimiz kimi, Azərbaycan millisi Avropa çempionatının final mərhələsinə hazırlıq məqsədi ilə yanvarın 17-də səfərdə Belçika yığması ilə yoldaşlıq oyunu keçirəcək. Pandemiya ilə əlaqədar olaraq, oyun azarkeşlər üçün qapalı olacaq.
Baş məşqçilərin AÇ-lərdəki göstəriciləri
Azərbaycan millisinin Avropa çempionatının seçmə və final mərhələsinə çıxarmış baş məşqçilərin statistikasını diqqətinizə çatdırırıq. Məlumat üçün qeyd edək ki, ən çox oyun sayı Joze Alesio Da Silvanın aktivindədir. Braziliyalı mütəxəssis AÇ-2010, 2012, 2014, 2018 və 2022-də komandanın “sükan”ı arxasında olub. Hələlik ən uğurlu nəticəyə də o sahibdir. Millinin iki seçmə mərhələdə baş məşqçi kimi oyuna çıxarmış Hacıbala Abdullazadə isə hazırda komandada məşqçi kimi fəaliyyətini davam etdirir.
Millinin mətbuat üçün açıq məşqi (fotoreportaj)
Bu gün Bakı İdman Sarayında Azərbaycan millisinin mətbuat üçün açıq məşqi keçirilib.