Bu gün İsveçrənin Nyon şəhərində, UEFA-nın mənzil-qərargahında futzal üzrə Çempionlar Liqasının 2019-2020-ci il mövsümünün ilkin və əsas mərhələsinin püşkü atılıb.

Püşkün nəticəsinə əsasən, mübarizəyə əsas mərhələdən başlayacaq turnirdəki təmsilçimiz “Araz” “Benfika” (Portuqaliya), "Halle Gooik" (Belçika) və "Xerson" (Ukrayna)  komandaları ilə 2-ci qrupda mübarizə aparacaq.

Bu qrupun oyunları oktyabrın 8-dən 13-dək Belçikada keçiriləcək.

Yalnız qrupda son pilləni tutan komanda mübarizəni dayandıracaq.

Qeyd edək ki, püşkatmanın səfiri Argentina millisinin sabiq üzvü Xavier Saviola olub. Futbol ulduzunun seçilməsi təsadüfi deyildi. O, 2018-ci ildən Andorranın “Encamp” klubunda çıxış edir və çempion olub. Saviola yeni mövsümdə komandası ilə UEFA Çempionlar Liqasının ilkin mərhələsində mübarizə aparacaq.

A yolunda mübarizə aparacaq digər qrupların tərkibi belədir:

Qrup 1

Sportinq (Portuqaliya)

Ekonomac (Serbiya)

Doboveç (Sloveniya)

Mostar (Bosniya və Herseqovina)

Qrup 3

Barselona (İspaniya)

Ayat (Qazaxıstan)

Tümen (Rusiya)

Vytis (Litva)

Qrup 4

Kayrat (Qazaxıstan)

Mursiya (İspaniya)

KPRF (Rusiya)

Berettyoujfalu (Macarıstan)