Minskdə təlim-məşq toplanışı çərçivəsində millimiz bu gün növbəti yoldaşlıq oyunu keçirdi. Belarus yığması ilə qarşılaşma Borisov şəhərində baş tudu. İlk oyunlar müqayisədə hər iki komandanın heyətində dəyişiklik vardı. Rəqibin 6, millimizin isə bir üzvü – Sezar Conatan klubun düşərgəsinə yollandığından bu matçda iştirak edə bilmirdi. Conatanın əvəzinə baş məşqçi Alesio “5-lik”də İsa Atayeva şans vermişdi. Oyuna yığmamız sürətli başladı. Thaqonun zərbəsini qapıçı qaytarsa da, İsanın zərbəsi toru silkələdi. Amma bundan sonra meydan sahibləri təzyiqi artırdı. Kapitan 5-ci dəqiqədə status-kvonu bərpa etdi. Bundan sonra Alesio qapıçını meydan oyunçusu ilə əvəzlədi. Qapının boş olduğu məqamda müdafiədə kobud səhv rəqibin hesabı lehinə dəyişməsi üçün kifayət etdi. Kapitan dubl etdi. Bundan sonra komandada sanki çaşqınlıq yarandı. Rəqib bu məqamdan maksimum yararlandı və fərqi artırdı. Yevdokimov fasiləyə komandasının 2 top üstünlüklə yollanmasını təmin etdi. İkinci hissənin əvvəlində dubl edən Yevdokimov fərqi 3 topa çatdırdı. Alesio yenə qapıçını meydan oyunçusu ilə əvəzlədi ki, bu funksiyanı Çovdarov yerinə yetirirdi. Topa nəzarəti əla alan millimiz sona 3 dəqiqə qalmış fərqi azaltdı. Thaqo toru silkələdi. Bir dəqiqə sonra Rizavn Fərzəliyevin zərbəsi dirəyin dibindən meydanı tərk etdi. Beləliklə millimiz Belarusla keçirdiyi ikinci oyunda da məğlub oldu.

Belarus – Azərbaycan 4:2 (3:1)

Beynəlxalq yoldaşlıq oyunu

28 avqust. Borisov. İdman Kompleksi. Saat 19:00

Hakimlər: İqor Qriqorev, Valeri Şeptunov, Anatoli Volıneç (hamısı Belarus)

Qollar: A. Qusakov, 04:21, 08:09, M. Yevdokimov, 11:29, S. Silivonçik, 23:54  // İ. Atayev, 01:35, T. Thaqo, 37:34

Sarı vərəqələr: S. Silivonçik, 05:42 // N. İsmayılov, 06:23

Belaru

1. Vladimir Stramirov (q), 5. Vladislav Selyuk, 7. Aleksey Pinçuk, 11. Dmitri Rabtsav, 3. Anton Matveenko, 12. Artem Petuxov (q), 4. Serqey Silivonçik, 9. Denis Kolb, 14. Anton Qusakov (k), 10. Vasili Jarikov, 6. Artyom Kozel, 17. Dmitri Şvedko, 13. Maksim Yevdokimov

Baş məşqçi: Aleksand Savinçev

Azərbayca

12. Rövşən Hüseynli (q), 3. Teles Thaqo, 8. Rizvan Fərzəliyev (k), 14. Vitali Borisov, 17. İsa Atayev, 1. Emin Kürdov (q), 7. Ramiz Çovdarov, 9. Oktay Rüstəmli, 10. Nihad İsmayılov, 11. Xətai Bağırov, 5. Fərid Atakişiyev

Baş məşqçi: Joze Alesio Da Silva