Futzal üzrə 2022-ci ildə keçiriləcək Avropa çempionatının final mərhələsini təşkil edəcək ölkə müəyyənləşib. Bu gün UEFA İcraiyyə Komitəsinin Sloveniyanın paytaxtı Lyublyanada keçirilmiş iclasında Niderlandın evsahibliyi təsdiqlənib. Həlledici mərhələnin oyunları 2022-ci il 19 yanvar 6 fevral tarxilərində bu ölkədə keçiriləcək. İlk dəfə AÇ-nin finalında 16 komanda iştirak edəcək. Görüşlər Amsterdam Arena və Qroninq Arenada keçiriləcək. Arenalar 12 min azarkeş tutumuna malikdir. Seçmə mərhələnin oyunları isə 29 yanvar 2020-ci ildən başlayacaq və 2021-ci ilin oktyabrında yekunlaşacaq.

Qeyd edək ki, Niderlanddan başqa Fransa və Portuqaliya da turnirə evsahibliyi etmək istəyirdi.