Bu gün Azərbaycan millisi əsas mərhələdə son oyununu keçirib. Komandamız bu dəfə Slovakiya yığması ilə qarşılaşıb. Hər iki komanda əvvəlki oyunlardan maksimum xal topladığından və elit-raunda vəsiqəni təmin etdiyindən, oyun qrup qalibini müəyyənləşdirmək baxımından vacib idi. Çünki elit-raundda püşk atılan zaman bu məqam nəzərə alınacaq. Oyunöncəsi turnir cədvəlindəki vəziyyət rəqibə heç-heçənin də kifayət etdiyini göstərirdi. Millimizə isə ancaq qalib gəlmək gərəkirdi ki, mərhələni qrup qalibi kimi yekunlaşdırsın. Moldova ilə matçda qırmızı vərəqə alan İsa Atayev bu dəfə sıraya dönmüşdü. Bir sözlə, hər iki komanda tam heyətlə mübarizə aparırdı. Oyunun fasiləsinə qədər millimiz qol epizodları yaratsa da, bunu realizə edə bilməyib. İkinci hissədə Bolinya, daha sonra Vassoura rəqib torunu silkələyib. Bir epizodda Xətai Bağırov dirəyi nişan alıb. Beləliklə 3 oyundan maksimum xal toplayan millimiz elit-raunda qrup lideri kimi vəsiqə qazanıb.

Slovakiya – Azərbaycan (0:0) 0:2

26 oktyabr. Bakı İdman Sarayı. Saat 20:00

Hakimlər: Ondrej Çerny (Çexiya), İngus Puriņş (Latviya), İngo Heemsoth (Almaniya)

Hakim-inspektor: Pedro Angel Qalan Nieto (İspaniya)

UEFA nümayəndəsi: Assem Kuzhanova (Qazaxıstan)

Qollar: Bolinya, 29:21, Vassoura, 34:38

Sarı vərəqələr: Vassoura, 22:28, Bolinya, 38:46

Slovakiya

1. Milan Herko (q), 3. Duşan Rafaj, 5. Qabriel Rick, 11. Matuş Kiyavski, 16. Tomaş Drahovski, 12. Riçard Oberman (q), 4. Daniel Çerovski, 6. Matuş Şevçik, 7. Martin Smeriçka, 8. Marian Hudek, 9. Peter Kozar (k), 10. Patrik Zatoviç, 13. Martin Doşa, 17. Patrik Kristofik

Baş məşqçi: Marian Berky

Azərbaycan

12. Rövşən Hüseyinli (q), 3. Teles Martins Thiago “Bolinya”, 6.Borges Eduardo, 10. Oliveira Do Nascimento Williams “Vassora”, 13. Amir Shojaei, 1. Elnur Zamanov (q) 14. Hadi Ahmadi, 9. Nihad İsmayılov, 11. Xətai Bağırov, 17. İsa Atayev, 8. Rizvan Fərzəliyev (k), 7. Ramiz Çovdarov, 5. Vahid Shafiei, 20. İsagh Soorghali

Baş məşqçi: Joze Alesio Da Silva