Bu gün keçirilmiş 5 oyunla Azərbaycan kubokunda 2019/2020-ci il mövsümünə start verildi. Kubokun il matçında öz liqalarının autsayderi olan “Yurd” və “Veqa” komandaları üz-üzə gəldi. Hesabı yeni adı ilə ilk matçını keçirən “Yurd” açdı. Emin Əliyev kubok mövsümündə ilk qolun müəllifi oldu. Əliyev fasiləyə 4 saniyə qalmış fərqi iki topa çatdırdı. İkinci hissədə də daha çox qol vuran “Yurd” komandası ilk oyunu qalib başa vurdu. İkinci oyun daha maraqlı keçdi. Gənc oyunçulardan təşkil olunmuş “Baku Fire-2” 14 dəqiqə müqavimət göstərdi. “Hövsan” komandası Valeh Həsənovla hesabdakı tarazlığı pozdu. Fasiləyə 17 saniyə qalmış rəqibini əks-hücumda yaxalayan nominal meydan sahibləri fərqi 2 topa çatdırdı. İkinci hissədə “qonaq”lar fərqi minimuma endirdi. Bu dəfə Elşən Zərbəliyev penaltini dəqiq yerinə yetirdi. Ardınca Kənan Rövşani hesabı bərabərləşdirdi. Ancaq şansları dəyərləndirməyi bacaran “Hövsan” rəqibin səhvlərini bağışlamadı. Yekunda qələbəni yenə İkinci Liqa komandası qazandı. Üçüncü oyun “Altay”ın aşkar üstünlüyü ilə keçdi. Bu üstünlüyü hesaba da daşıyan nominal meydan sahibləri ilk oyunu böyükhesablı qələbə ilə yekunlaşdırdı. Növbəti oyunda da sevinən İkinci Liqa təmsilçisi oldu. Bu dəfə “Zirvə Bakı-2” komandası “Baku Fans”dan güclü oldu. Gərgin keçən oyunun ilk 10 dəqiqəsi qarşılıqlı hücumlarla keçsə də, üstünlüyünü artıran “Zirvə Bakı-2” hesabı da lehinə dəyişməyi bacardı. Fasiləyə qədər meydan sahibləri fərqi 2 topa çatdırdı. İkinci hissədə isə “Baku Fans” qolları sıraladı və 24-cü dəqiqədə artıq tabloda hər iki komandanın aktivində 2 qol var idi. Toparlanan “Zirvə Baku-2” fərqi yenidən 2 topa çatdırdı. “Baku Fans” fərqi minimuma endirsə də, məğlubiyyətdən qaça bilmədi. Günün son matçında “Borçalı” “Çinar Cəbrayıl”ı sınağa çəkib. İlk 5 dəqiqədə 2 top vuran “Borçalı” qələbənin təməlini qoymuş oldu. Üstünlüyünü sona qədər əldən verməyən nominal meydan sahibləri “ikincilər”in “birincilər” üzərində qələbə seriyasının pozulmasına imkan vermədi. Beləliklə ölkə kubokunun ilk günündə keçirilən 5 oyunun hamısında İkinci Liqa təmsilçiləri qələbə qazandı.
Hövsan – Baku Fire-2 5:2
Altay – Zirvə Bakı 7:2
Zirvə Bakı-2 – Baku Fans 4:3
Borçalı – Çinar Cəbrayıl 12:1
Ölkə kubokunun növbəti oyunları sabah – yanvarın 11-də, qalan 10 oyunu isə yanvarın 12-də keçiriləcək.
Dalğa – Ulduz
11 yanvar. Bakı İdman Sarayı. Saat 18:00
Hakimlər: Əli Cəbrayılov, Nahid Xasıyev, Hacıəli Ağayev
Star karqo-2 – Qarabağ Füzuli
11 yanvar. Bakı İdman Sarayı. Saat 19:00
Hakimlər: Nahid Xasıyev, Hacıəli Ağayev, Ceyhun Hüseynov
Atletiko Baku – Metropoliten
11 yanvar. Bakı İdman Sarayı. Saat 20:00
Hakimlər: Rahin Heybətov, Ceyhun Hüseynov, Nahid Xasıyev
Advokat – Rayyan MFC
11 yanvar. Bakı İdman Sarayı. Saat 21:00
Hakimlər: Ramiz Məhərrəmov, Ceyhun Hüseynov, Ramil Namazov
Timsport – Red Line
11 yanvar. Bakı İdman Sarayı. Saat 22:00
Hakimlər: Ramiz Məhərrəmov, Elmir Quluzadə, Fuad Həsənov
Gənclik İK – U-19
12 yanvar. Bakı İdman Sarayı. Saat 12:00
Hakimlər: Əli Cəbrayılov, Mehman Mahmudov, Vüsal Balaşov
NTD – AjaxBaku
12 yanvar. Bakı İdman Sarayı. Saat 13:15
Hakimlər: Əli Cəbrayılov, Mehman Mahmudov, Knyaz Əmiraslanov
Bibi-Heybət – Xızı Yasamal
12 yanvar. Bakı İdman Sarayı. Saat 14:15
Hakimlər: Ramil Namazov, Knyaz Əmiraslanov, Mehman Mahmudov
Zülfüqar – Star kargo
12 yanvar. Bakı İdman Sarayı. Saat 15:15
Hakimlər: Ramil Namazov, Knyaz Əmiraslanov, Elvin Ağayev
Baku Fire-3 – Yasamal İSK-2
12 yanvar. Bakı İdman Sarayı. Saat 16:15
Hakimlər: Rahin Heybətov, Elvin Ağayev, Ramiz Məhərrəmov
Baker Hughes – AzMİU
12 yanvar. Bakı İdman Sarayı. Saat 17:15
Hakimlər: Rahin Heybətov, Elvin Ağayev, Mahir Məmmədov
Baker Tilly – ADBTİA
12 yanvar. Bakı İdman Sarayı. Saat 18:15
Hakimlər: Hikmət Qafarlı, Nail Nağıyev, Mahir Məmmədov
Təbriz – Forza Neftçi
12 yanvar. Bakı İdman Sarayı. Saat 19:15
Hakimlər: Hikmət Qafarlı, Nail Nağıyev, Kənan Məlikov
Bədr Xocalı – Zəngilan
12 yanvar. Bakı İdman Sarayı. Saat 20:15
Hakimlər: Mahir Məmmədov, Kənan Məlikov, Nail Nağıyev
AZZERS – Standard
12 yanvar. Bakı İdman Sarayı. Saat 21:15
Hakimlər: Anar Fərəcov, Kənan Məlikov, Hacıəli Ağayev
