Bu gün “Olimpik Star”da Azərbaycan kubokunun 1/16 final mərhələsi çərçivəsində növbəti 5 oyun keçirildi. Günün ilk matçı kifayət qədər maraqlı və gərgin keçdi. Buna da səbəb ilk duelin minimalhesablı fərqlə başa çatması idi. Görüşə “Borçalı” fəal başladı və hesabı açan tərəf oldu. Ancaq üstünlüyünü qorumağı bacarmayan nominal meydan sahiblərinin hətta 2 üzvü qırmızı fərəqə alaraq meydanı erkən tərk etdi. Yekunda yenə minimalhesablı qələbə qazanan Red Line 1/8 finala vəsiqə qazandı. “Star kargo”ların duelində isə böyük futboldan tanıdığımız simalar iştirak edirdi. “İkincilər”də Ramal və Zeynalabdin Hüseynov qardaşları, eləcə də Ramazan Abbasov bu dəfə parket iş başında oldular. İlk oyunda olduğu kimi, bu dəfə də İkinci Liqa komandası qələbə qazandı. İlk oyunda 10 cavabsız topla rəqibini məğlub edən “Neftçi” cavab qarşılaşmasında daha çox qol vurmaqla, üstəlik qapısını toxunulmaz saxlamaqla mərhələ adlayan tərəf oldu. “Araz” isə cütün taleyini ilk oyunda həll etdiyindən cavab oyunu formallığa çevrilmişdi. “Baker Hughes” bu dəfə də böyük hesabla yenililsə də, rəqibinə qarşı kifayət qədər müqavimət göstərməyə çalışdı. Xüsusilə də həvəskar komanda birinci hissədə buna daha çox nail oldu. Günün son duelində isə “Hövsan” növbəti mərhələyə vəsiqə qazandı. Nominal meydan sahibləri hər iki oyunda Yüksək Liqa təmsilçisindən üstün olmaqla bunu bacardı.
Borçalı – Red Line 2:3
İlk oyun: 1:2
Star kargo-2 – Star kargo 10:3
İlk oyun: 6:4
Gənclik İK – Neftçi İK 0:11
İlk oyun: 0:10
Baker Hughes – Araz 2:13
İlk oyun: 2:17
Hövsan – Record club 3:2
İlk oyun: 8:6
Mərhələyə fevralın 16-da keçiriləcək 6 oyunla yekun vurulacaq. Bütün qarşılaşmalar “Olimpik Star”da baş tutacaq.
Dalga – Standard
16 fevral. Olimpik Star. Saat 12:00
Hakimlər: Mahir Məmmədov, Nail Nağıyev, Anar Fərəcov
İlk oyun: 1:6
Badamlı – Forza Neftçi
16 fevral. Olimpik Star. Saat 13:00
Hakimlər: Anar Fərəcov, Kənan Məlikov, Nail Nağıyev
İlk oyun: 5:2
Nəqşicahan – Bakı TFK
16 fevral. Olimpik Star. Saat 14:00
Hakimlər: Hikmət Qafarlı, Ramil Namazov, Mahir Məmmədov
İlk oyun: 1:1
NTD – EKOL
16 fevral. Olimpik Star. Saat 15:00
Hakimlər: Ramil Namazov, Ziya Nəsirov, Əli Cəbrayılov
İlk oyun: 5:2
Atletiko Baku – Yasamal İSK
16 fevral. Olimpik Star. Saat 16:00
Hakimlər: Əli Cəbrayılov, Ceyhun Hüseynov, Xəlil Xəlilov
İlk oyun: 4:4
Advokat – Baku Fire
16 fevral. Olimpik Star. Saat 17:00
Hakimlər: Əli Cəbrayılov, Ceyhun Hüseynov, Xəlil Xəlilov
İlk oyun: 4:5
