AFFA-nın İntizam Komitəsinin iclası keçirilib. Qərarları diqqətinizə çatdırırıq:

5 oktyabr 2018-ci il, futzal üzrə Azərbaycan çempionatının Birinci Liqasının “Baku Fire” – “Green Log” matçının 25-ci dəqiqəsində “Baku Fire” klubunun 19 №-li futbolçusu Elşən Zərbəliyev kobud oyuna görə birbaşa qırmızı vərəqə alaraq meydandan kənarlaşdırıldığı üçün 2 oyun cəzalanır (maddə 37.1).

5 oktyabr 2018-ci il, futzal üzrə Azərbaycan çempionatının Birinci Liqasının “Sovetski” – “Metropoliten” matçının 8-ci dəqiqəsində “Sovetski” klubunun 7 №-li futzalçısı Elman Vəlizadə ikinci sarı vərəqə alaraq meydandan kənarlaşdırıldığı üçün 1 oyun cəzalanır (maddə 48).

6 oktyabr 2018-ci il, futzal üzrə Azərbaycan çempionatının Birinci Liqasının U-19 – AZMİU matçının 23-cü dəqiqəsində AZMİU klubunun 2 №-li futzalçısı İman Hüseynov rəqibi təhqir etdiyinə görə meydandan kənarlaşdırıldığı üçün 3 oyun cəzalanır (maddə 42.3).

Oyunun 29-cu dəqiqəsində U-19 komandasının 12 №-li futzalçısı Niyaz Əhmədov sonuncu ümid fouluna görə birbaşa qırmızı vərəqə alaraq meydandan kənarlaşdırıldığı üçün 1 oyun cəzalanır (maddə 48).