19 yaşadək futzalçılar arasında təşkil edilən sayca ikinci Avropa çempionatının püşkatma tarixi dəyişdirilib.

UEFA əvvəlcə tədbirin iyulun 7-də baş tutacağını açıqlasa da, dünən ancaq UEFA Çempionlar Liqasınin ilkin mərhələsində mübarizə aparacaq komandalar rəqiblərini tanıyıb. Qitənin ali futbol qurumu U-19-ların püşkatmasını avqustun 30-na təyin edib. Beləliklə 19 yaşadək futzalçılardan ibarət millimizin rəqibləri avqustun 30-da müəyyənləşəcək. Bu turnirin ilkin mərhələsi bu il 2-7 noyabr tarixlərində keçiriləcək. Əsas mərhələnin qarşılaşmaları gələn il 15-20 martda, həlledici görüşləri isə 3-10 sentyabrda baş tutacaq. Final mərhələsinə İspaniya ev sahibliyi edəcək.