Rusiyanın Kazan şəhərində təşkil olunan I MDB oyunları çərçivəsində 19 yaşadək futzalçılardan ibarət Azərbaycan millisi bu gün son oyununu keçirib. 5-ci yer uğrunda qarşılaşmada moldovalı həmyaşıdları ilə üz-üzə gələn komandamız 10:5 hesablı qələbə qazanıb. Əli Mahmudovun het-trik etdiyi matçda Nurlan Məmmədzadə, Xəzər Ağalızadə dubl edib. Digər qolları isə Şahmar Cəfərli, Mirzə Əmirov və Fuad Məmmədzadə vurub.