“Araz-Naxçıvan” UEFA Çempionlar Liqasının əsas mərhələsində bu gün ilk oyununa çıxıb. Təmsilçimiz Ukrayna çempionu “Uraqan”la üz-üzə gəlib. Xətai Bağırov cəzalı olduğuna görə, təşkilatçı ölkənin təmsilçisi ilə dueli buraxmalı olub. Peşəkar Bədən Tərbiyəsi Kollecində keçirilən oyunun 2-ci dəqiqəsində Amir hesabı açmağa yaxın oldu. Təəssüf ki, müdafiəçinin zərbəsindən sonra top meydanı tərk etdi. 5-ci dəqiqədə Maneka status-kvonu pozmaq şansını qaçırdı. Əvəzində təzyiqi tədricən artıran meydan sahibləri 10-cu dəqiqədə Nazar Şvedlə toru silkələdi. 16-cı dəqiqədə Ukrayna çempionu üstünlüyünü 2 topa çatdırdı. Bu dəfə Farenyuk qapımıza yol tapdı. İkinci hissədə qol vurmaq növbəsi “Araz-Naxçıvan”a keçdi. Bu dəfə İsanın ideal ötürməsini Çovdarov boş qapıdan keçirməklə fərqi minimuma endirdi. Qrupda keçirilmiş digər oyunda Kosova çempionu “Liqeni” Rumıniya təmsilçisi “Yunayted Galati”ni məğlub edib-6:4.

Uraqan (Ukrayna) – Araz-Naxçıvan (2:0) 2:1

UEFA Çempionlar Liqası, əsas mərhələ

28 oktyabr. İvano – Frankivsk. Saat 20:00

Hakimlər: Josip Barton (Şimali Makedoniya), Dejan Veseliç (Sloveniya), Kristiano Joze Kardoso Santos (Portuqaliya)

Time keeper: Denis Kutsi (Ukrayna)

Hakim-inspektor: Patrik Villemark (Belçika)

UEFA nümayəndəsi:  Stefan Kammerer (Almaniya)

Qollar: Nazar Şved, 9:46, Artem Farenyuk, 15:04 // Ramiz Çovdarov, 29:29

Sarı vərəqə: Roman Kordoba, 0:52, Nazar Şved, 26:25, Vitali Radeviç, 29:58, Danil Abakşin, 38:39 // Murilo Borges, 11:46

Uraqan

12. Roman Koltok (q, k), 7. Mykola Grytsyna, 8. Vitali Radeviç, 9. Roman Kordoba, 10. Artem Farenyuk, 21. Taras Levandivski (q), ), 5. Taras Onufrak, 11. Sergey Koval, 17. Ruslan Şeremeta, 20. Vladislav Zavertaniy, 29. Nazar Şved, 33. Mykhailo Grytsyna, 34. Maryan Maseviç, 78. Danil Abakşin

Baş məşqçi: Maksim Pavlenko

Araz-Naxçıvan

12. Rövşən Hüseynov (q, k), 15. Hadi Ahmadi, 13. Amir Şocaei, 7. Ramiz Çovdarov, 8. İsa Atayev, 1. Emin Kürdov (q), 9. Maneka, 17. Felipinyo, 6. David Qustavo, 14. Murilo Borges, 18. Nurlan Mehdizadə, 20. Tofiq Mikayılov

Baş məşqçi: Joze Alesio Da Silva