CBC Sport kanalının efirində yeni veriliş tamaşaçılara təqdim ediləcək. Veriliş futzalla bağlı olacaq.

Həftədə iki dəfə ekrana gətiriləcək verilişin adı “Futzalda”dır və ilk buraxılış sabah -  yanvarın 19-da saat 21:00-dan 22:00-dək yayımlanacaq. Nurlan Valehoğlunun təqdimatında izləyəcəyiniz veriliş millimizin Avropa çempionatının final mərhələsinə gedən yolundan bəhs edəcək. Qonaq qismində futzalımızın tanınmış simalarından, milli komandanın keçmiş üzvü Rəcəb Fərəczadə iştirak edəcək. Növbəti buraxılış isə şənbə günü - yanvarın 22-də isə saat 19:00-dan 20:00-dək ekranda olacaq. Ümumiyyətlə, “Futzalda” bundan sonra hər həftə ekrana gələcək və ölkə futzalında baş verən yeniliklərdən, Azərbaycan Futzal Federasiyasının bayrağı altında təşkil olunan Yüksək, Birinci və İkinci liqaların oyunlarından, eləcə də ölkə kubokunun matçlarından bəhs olunacaq, kadrlar təqdim ediləcək.

Onu da qeyd edək ki, futzal üzrə Yüksək Liqanın yayım hüququ CBC Sport kanalına məxsusdur.