Bu gün İsveçrənin Nyon şəhərində gələn il 19 yaşadək futzalçılar arasında təşkil ediləcək Avropa çempionatının püşkü atılıb. Yığmamız əsas mərhələnin 2-ci qrupunda yer alıb və ilkin mərhələdə B qrupunun (İsveç, Kosovo, Kipr və San Marino) qalibi ilə yanaşı, Hollandiya və Sloveniyanın müvafiq yaş qrupundan ibarət komandaları ilə qarşılaşacaq. Bu mərhələnin oyunları gələn il martın 26-dan 31-dək Sloveniyada keçiriləcək. Yarışın final oyunları isə sentyabrın 8-dən 14-dək Latviyadakı Riqa Arenada təşkil olunacaq.

İlkin mərhələ

A qrupu: Monteneqro, Yunanıstan, Litva*, Andorra

B qrupu: İsveç, Kosovo, Kipr, San-Marino

Əsas mərhələ

1-ci qrup: Qazaxıstan, Polşa, Fransa, Finlandiya*

2-ci qrup: Azərbaycan, Sloveniya*, Hollandiya, B qrupunun qalibi

3-cü qrup: Portuqaliya, Serbiya, Bosniya və Herseqovina*, Moldova

4-cü qrup: Ukrayna, Rumıniya, Belçika, Makedoniya*

5-ci qrup: İspaniya, Macarıstan, Gürcüstan*, Türkiyə

6-cı qrup: Rusiya*, Çexiya, Belarus, A qrupunun qalibi

7-ci qrup: İtaliya, Xorvatiya*, Slovakiya, İngiltərə

* - meydan sahibləri.