Avropa çempionatının final mərhələsində millimiz növbəti oyununu İspaniya yığmasına qarşı keçirib. Əvvəlcədən də qeyd edildiyi kimi, Rövşən Hüseynli və Qallo bu matçda da komandamıza kömək edə bilməyib. Oyuna millimiz yaxşı başlayıb. Bunun nəticəsi olaraq 10-cu dəqiqədə hesab açılıb. Rafael Vilelanın qapıya paralel ötürməsinə Atayevin təzyiqi ilə Lozano toxundu ki, nəticədə komandamız önə keçirdi. Üstünlüyümüz 2 dəqiqə çəksə də, 17-ci dəqiqədə Atayev yenidən diqqət mərkəzinə düşdü. Bu dəfə Vassouradan ötürmə qəbul edən hücumçu komandamızın ikinci qolunu vurdu. İkinci hissədə gözlənildiyi kimi, rəqib təzyiqi artırdı. Əsasən müdafiə çəkilən komandamız əks-hücumlar zamanı hesabı dəyişməyə çalışırdı. Bir neçə epizodda buna yaxın olduq. Hətta Edunun zərbəsindən sonra top dirəyə dəyib meydanı tərk etdi. 31-ci dəqiqədə isə nominal meydan sahibləri hesabı bərabərləşdirdi və oyun “sulh”lə başa çatdı. İlk xalını qazanan komandamız növbəti mərhələyə yüksəlmək şansını davam etdirir. Onu da qeyd edək ki, UEFA bu matçı izləmək üçün 30-a yaxın uşağın tribunada yer almasına şərait yaratmışdı.

İspaniya – Azərbaycan (1:2) 2:2

Avropa Çempionatının final mərhələsi

26 yanvar. Qroningen, Martini Plaza. Saat 23:30

Hakimlər:  Miguel Castilho (Portuqaliya), Qabor Kovacs (Macarıstan), Kristiano Joze Kardoso Santos (Portuqaliya)

Timekeeper: Qriqori Oşomkov (Estoniya)

Hakim-inspektor: Massimo Cumbo (İtaliya)

UEFA nümayəndəsi:  Tai Regel Pundik (Danimarka)

Qollar: Raul Qomez, 11:28, Lozano, 30:01 // Lozano, 9:16 (ö/q), İsa Atayev, 16:38

Sarı vərəqələr: Chino, 25:19 // İsa Atayev, 8:58, Fineo De Araujo, 17:49, Ramiz Çovdarov, 27:22, Vassoura, 32:57

İspaniya

12. Didak Plana (q), 2. Ortiz (k), 6. Raul Qomez, 9. Lozano, 13. Mellado, 1. Jesus Herrero (q), 3. Borja, 4. Esteban, 5. Boyis, 7. Camacho Perez, 10. Cecilio, 11. Chino, 14. Raul Kampos

Məşqçi: Fede Vidal

Azərbaycan

1. Emin Kürdov (q), 6. Eduardo Borges, 5. Fineo De Araujo, 9. Rafael Vilela 2. Felipinyo, 3. Bolinha, 10. Vassoura, 8. Rizvan Fərzəliyev (k), 7. Ramiz Çovdarov, 11. Xətai Bağırov, 17. İsa Atayev, 14. Hadi Ahmadi,

Baş məşqçi: Joze Alesio Da Silva