3 noyabr 2018-ci il, futzal üzrə Azərbaycan çempionatının Birinci dəstəsnin   “Şərq” – ADBTİA matçının 22-ci dəqiqəsində “Şərq” komandasının heyətində yetərsay olmadığına görə oyun yarımçıq dayandırılıb. Oyun dayandırılan dəqiqədə hesab 5:0-dan böyük olduğuna görə, matçın hesabı – 18:1 ADBTİA-nın xeyrinə olduğu kimi saxlanılır.

4 noyabr 2018-ci il, futzal üzrə Azərbaycan çempionatının İkinci dəstəsinin “Atletiko Baku” – “Rəvan” matçının 30-cu dəqiqəsində “Atletiko Baku” klubunun 11 №-li futzalçısı Səid Abbasov kobud oyuna görə birbaşa qırmızı vərəqə alaraq meydandan kənarlaşdırıldığı üçün 2 oyun cəzalanır (maddə 37.1).

Oyunun 11-ci dəqiqəsində “Atletiko Baku” klubunun məşqçisi Zaur Səmədov  hakimlər briqadasını təhqir etdiyi üçün texniki zonadan kənarlaşdırılmışdır (maddə 42.3). Oyun bitdikdən sonra Zaur Səmədov hakimlər briqadasına fiziki təsir göstərməyə cəhd etdiyinə görə 10 oyun cəzalanır (maddə 42.3) (maddə 38.5) (maddə 38.8).