Bu gün Badamlı Azərbaycan kubokunun yarımfinal oyunları keçirilib. CBC Sport kanalı vasitəsilə canlı yayımlanan günün ilk duelində Birinci Liqa təmsilçiləri üz-üzə gəlib. Eyni liqada çıxış edən komandalar bir-birini kafyət qədər yaxşı tanıdığından matçın gərgin keçəcəyi gözlənilən idi. Matçdan əvvəl “Alyans Qrup” şəhidlərimizin əziz xatirəsinə ehtiramını bildirib – oyunçular meydana üzərində şəhidlərimizin şəkili əks olunmuş formalarla çıxıb. Hesabı nominal meydan sahibləri açdı. Mirkamilin qapıya paralel ötürməsini Elçin tora qovuşdurdu. 5-ci dəqiqədə Qərib İbrahimov real qol epizodunu qaçırdı. Ümumiyyətlə, “Forza Neftçi” daha çox topa nəzarət edən tərəfdi, meydan sahibləri isə əks-hücumlarla üstünlük qazanmağa çalışırdı. Fasiləyə “Alyans Qrup” hesabda öndə yollandı. Ssenari ikinci hissədə də dəyişmədi. Yenə topa nəzarət Birinci Liqanın liderində idi. 35-ci dəqiqədə “Forza Neftçi”dən Təmraz Əmircanov 10 metrlik zərbəni dəqiq yerinə yetirə bilmədi. Sona 3 dəqiqə qalmış növbəti dəfə Vüsal İsayev 10 metrlik zərbəni qeyri-dəqiq yerinə yetirdi. Əmircanov sona 49 saniyə qalmış yenə standart vəziyyətdən yararlana bilmədi. Üstəli, “Alyans Qrup” meydanda azlıqda qaldı. Elçin Zeynalov ikinci sarı-qırmızı vərəqə alaraq meydanı erkən tərk etməli oldu. Buna baxmayaraq, 2-cı dəqiqədə vurulan qol cütün taleyinə aydınlıq gətirdi. Günün ikinci oyununda əzəli rəqiblər qarşılaşıb. Seymur Məmmədov “Neftçi”nin heyətində debüt edib. Oyunda hesabı EKOL-dan Mehdi açdı. İlkinlə status-kvo bərpa olunsa da, növbəti dəfə yenə “yaşıllar” bərabərliyi pozdu. Bu dəfə Abasov adını tabloya yazdırdı. Amma avtoqol komandaların fasiləyə “sülh”lə yollanmasına səbəb oldu. İkinci hissənin 28-ci dəqiqəsində “Neftçi” meydanda azlıqda qaldı. Nurlan Mehdizadə ikinci sarı-qırmızı vərəqə alaraq meydandan qovuldu. Rəqibin azlıqda qalmasından EKOL faydalana bilmədi. 40 dəqiqənin tamamında qalib müəyyənləşməyib və komandalar hər biri 5 dəqiqədən ibarət əlavə 2 hissədə mübarizə aparıb. 49-cu dəqiqədə 10 metrli cərimə zərbəsini Rüfət Balakişiyev yerinə yetirsə də, Kürdov səhvsiz oynamaqla hesabın dəyişməsinə imkan vermədi. Növbəti 10 metrlik zərbə də eyni dəqiqədə təyin olundu. Bu dəfə Faiq Əliyev topun qarşısını əli ilə kəsdiyinə görə Jafari zərbəni yerinə yetirdi. Emin bu dəfə də komandasını qoldan xilas etdi. Əlavə vaxtda da qalib müəyyənləşmədiyinə görə, penaltilər seriyasına yer verildi. Daha dəqiq olan “Neftçi” İK finala yüksəlib. Beləliklə Badamalı Azərbaycan kubokunun final matçında “Alyans Qrup” və “Neftçi” İK komandaları qarşılaşacaq. Həlledici görüşün tarixi və yeri barədə əlavə məlumat veriləcək.

Neftçi İK – EKOL (2:2) 2:2   4:2 pen.

26 aprel. Bakı İdman Sarayı. Saat 16:45

Hakimlər: Ziya Nəsirov, Ceyhun Hüseynov, Anar Fərəcov

Hakim-inspektor: Ramiz Əsədov

Qollar: İlkin Hacıyev, 16:20, Tofiq Mikayılov, 18:59 ö/q,  // Mehdi Rəsulov, 13:11, Əsgər Abasov, 16:52

Sarı vərəqələr: Oruc Baxşəlizadə, 18:36, Nurlan Mehdizadə, 27:15, Omid Talebi, 48:00 // Mehdi Rəsulov, 17:06, Tofiq Mikayılov, 29:58, Faiq Əliyev, 38:30, Namiq Məmmədkərimov, 44:19, Rüstəm Bağırov, 48:22

Qırmızı vərəqə: Nurlan Mehdizadə, 27:25

Penalti zərbələri:

Neftçi                          EKOL

Omid Talebi +             Namiq Məmmədkərimov +

Oqtay Rüstəmli +         Samir Həmzəyev –

Rüfət Balakişiyev +     Mehdi Rəsulov –

İlkin Hacıyev -             Tofiq Mikayılov +

Hasan Ali Jafari +

Neftçi İK

23. Elnur Zamanov (q), 4. Fərid Atakişiyev, 9. Oqtay Rüstəmli, 10. Rüfət Balakişiyev (k), 77. Omid Talebi, 1. Anar Məmmədov (q), 3. Oruc Baxşəlizadə, 5. Nurlan Mehdizadə, 8. Vahid Xocayev, 11. Hasan Ali Jafari, 13. Əjdər Əjdərov, 14. Seymur Məmmədov, 7. İlkin Hacıyev, 17. Hüseyn Mənəfli

Baş məşqçi: Elşad Quliyev

EKOL

99. Emin Kürdov (q), 2. Radik Əhmədov, 10. Samir Həmzəyev, 11. Namiq Məmmədkərimov (k), 20. Tofiq Mikayılov, 1. İntiqam Babayev (q), 7. Faiq Əliyev, 8. Mehdi Rəsulov, 9. Əsgər Abasov, 17. Rüstəm Bağırov, 33. Ələsgər Ələsgərli, 44. Orxan Həsənəliyev

Baş məşqçi: Radik Əhmədov

Alyans Qrup – Forza Neftçi (1:0) 1:0

26 aprel. Bakı İdman Sarayı. Saat 14:15

Hakimlər: Nail Nağıyev, Rza Məmmədov, Xəlil Xəlilov

Hakim-inspektor: Füzuli Nəcəfov

Qollar: Elçin Zeynalov, 1:14

Sarı vərəqələr: Məhəmməd Xəlilov, 18:08, Mirkamil Əliyev, 28:28, Elçin Zeynalov, 34:48, İlkin Əhədov, 39:11 (baş məşqçi) // Elçin İsmayılov, 16:58, Vüqar Rəhimov, 24:40, Qərib İbrahimov, 28:41

Qırmızı vərəqə: Elçin Zeynalov, 39:11

Alyans Qrup

1. Seymur Usanov (q), 19. Aydın Qasımov (k), 77. Elçin Zeynalov, 10. Fərid Beybutov, 7. Mirkamil Əliyev, 12. Elgün Mosuyev (k), 16. Rəşad Zeynallı (q), 9. Amil Əlimirzəyev, 11. Zaur Cigərxanov, 13. Comərd Baxşəliyev, 18. Hümmət Əsədov, 22. Məhəmməd Xəlilov

Baş məşqçi: İlkin Əhədov

Forza Neftçi

12. Rafiq Kərimov (q), 10. Təmraz Əmircanov, 17. Vüsal İsayev (k), 60. Qərib İbrahimov, 44. Vüqar Rəhimov, 18. İmran Cəfərov (q), 7. Emil Abaszadə, 8. Elçin İsmayılov, 22. Raqif Eyvazov, 3. Tofiq Hüseynov, 23. Ələsgər Hüseynzadə, 28. Elmir Xəlilov, 32. Əsgər Bəylərov, 14. Əfsun Seyfullayev

Baş məşqçi: Elvin Xudatov