Bu gün DÇ-2024-ün əsas mərhələsi çərçivəsində Azərbaycan millisi növbəti oyununu keçirib. Komandamız Yunanıstan yığması ilə qarşılaşıb. Bakı İdman Sarayında keçirilmiş oyundan əvvəl AFFA-nın baş katibi Sərxan Hacıyev və Azərbaycan Futzal Federasiyanın prezidenti, AFFA İcraiyyə Komitəsinin üzvü Zaur Axundov futzalçı karyerasını başa vuran Vitali Borisova milli komandanın formasını hədiyyə edib.

Yunanıstan millisi baş vermis qatar qəzasında dünyasını dəyişənlərin xatirəsinə ehtiram olaraq meydana qara sarğı ilə çıxmışdı. Afinadakı oyunla müqayisədə rəqibin heyətində 6 dəyişiklik edilmişdi.

Oyuna gəldikdə, fasiləyə qədər rəqib qapısından 3 cavabsız top keçirən futzalçılarımız ikinci hissədə rəqiblə eynisayda qol vursa da, meydanı 3 xalla tərk etməyi bacardı. Aktivindəki xalların sayını 9-a çatdıran komandamız elit-raunda vəsiqəni təmin etdi. Komandamız növbəti oyununu martın 7-də səfərdə Polşa yığmasına qarşı keçirəcək.

Azərbaycan – Yunanıstan (3:0) 5:2

DÇ-2024-ün əsas mərhələsi. 6-cı qrup

3 mart 2023. Bakı İdman Sarayı. Saat 20:00

Hakimlər: Eduardo Fernandes Koelho, Kristiano Santos, Felipe Qonsalo Santos Duarte

(Hakimlər briqadası Portuqaliyadandır)

Timekeeper: Ceyhun Hüseynov

Hakim-inspektor: Edi Sunjiç (Xorvatiya)

UEFA nümayəndəsi: Haugen Kim Robin (Norveç)

Qollar: Eduardo Borges, 2:23, Seiti Ensi, 8:30 (ö/q), Rafael Vilela, 11:24, Felipinyo, 20:57, Amadeu, 31:20 // Seiti Ensi, 23:47, Marios Ntatis, 26:27

Azərbaycan

1. Emin Kürdov (q, k), 6. Eduardo Borges, 9. Rafael Vilela, 14. Amadeu, 10. Felipinyo, 12. Rövşən Hüseynli (q), 4. Xəzər Ağalızadə, 3. Tyaqo Bolinya, 5. Fineo, 7. Ramiz Çovdarov, 17. İsa Atayev, 11. Xətai Bağırov, 13. Qallo, 16. Hadi Ahmadi

Baş məşqçi: Joze Alesio Da Silva

Yunanıstan

1. Dimitris Zervas (q), 4. Seiti Ensi, 5. Lampros Tsinas, 7. Spiridon Kondilatos, 15. Spiridon Papakostas, 12. Vasileios Felios (q), 3. Alekandros Adamopoulos, 6. Emmanouil Tsepas, 8. Panagiotis Qousis, 9. Axilleas Floros, 10. Marios Ntatis, 11. Antonios Manos (k), 14. Panagiotis Qriqorakos, 16. Dimitrios Karidas

Baş məşqçi: İoannis Ziavas