Xəbər verdiyimiz kimi, dekabrın 12-də UEFA-nın Nyondakı mənzil-qərargahında 2020-ci ildə Litvada keçiriləcək futzal üzrə dünya çempionatının ilkin və əsas mərhələsinin püşkatma mərasimi keçiriləcək. Əvvəlcədən də qeyd etdiyimiz kimi, millimiz mübarizəyə əsas mərhələdən başlayacaq. Buna qədər isə ilkin seçmə mərhələnin oyunları keçiriləcək.

Mübarizəyə 32 komanda qoşulacaq. Onlar hər birində 4 iştirakçı olmaqla 8 qrupa bölünəcəklər. Yalnız qrup qalibləri və ikinci pilləni tutacaq komandalar mübarizəni əsas mərhələdə davam etdirmək hüququ qazanacaq. Millimiz isə ən yüksək reytinqə malik 16 komanda sırasındadır və qeyd etdiyimiz kimi, gələn il oktyabrın 22-dən 27-dək keçiriləcək əsas mərhələdə meydana çıxacaq. Yüksək reytinqli 16 komanda püşklə 8 qrupa bölünəcək və yer aldıqları qrupların 1-ci və 2-ci komandaları olacaqlar. Digər iki komanda ilkin mərhələdə uğur qazanacaq millilər olacaq. Əsas mərhələdə iştirak edəcək komandalardan yeddisi – Portuqaliya, Ukrayna, Azərbaycan, İtaliya, Xorvatiya, Polşa, Fransa - qrup oyunlarına evsahibliyi etmək üçün müraciət edib ki, onlar fərqli qruplarda yer alacaqlar. 8-ci evsahibi komanda məlum deyil və bu qruplar müəyyənləşdikdən sonra püşklə dəqiqləşəcək. İlkin mərhələdə eyni qrupda yer almış komandalar əsas raundda bir qrupda mübarizə apara bilməzlər.    

Həmçinin, UEFA İcraiyyə Komitəsinin qərarı ilə Azərbaycan və Ermənistan, Cəbəllütariq və İspaniya, Kosovo Bosniya Herseqovina və Serbiya eyni qrupda yer ala bilməzlər.

Əsas mərhələdən elit raunda hər qrupdan 2 ən yüksək nəticə qazanmış komanda vəsiqə qazanacaq.

Onu da qeyd edək ki, bu dəfə rekord – 48 komanda mübarizədə iştirak edəcək. Almaniya, Kosovo, Şotlandiya və Şimali İrlandiya dünya çempionatının seçmə oyunlarında debüt edəcəklər. Oyunlar 4 – ilkin, əsas, elit raund və play-off mərhələdən ibarət olacaq. Avropadan meydan sahibi Litvadan başqa, 6 komanda final mərhələsinə vəsiqə qazanacaq. Həlledici mərhələdə isə 24 komanda qalib adı uğrunda yarışacaq. Sonda səbətləri diqqətinizə çatdırırıq:   

İlkin mərhələ

1-ci səbət (evsahibi)
Bosniya və Herseqovina
Gürcüstan
Makedoniya
Latviya
Moldova
İsveç
Bolqarıstan

2-ci səbət

İsrail
Andorra
Estoniya
Malta
Cəbəllütariq
San Marino
Şotlandiya
Şimali İrlandiya

3-cü səbət
Kosovo
İsveçrə
Ermənistan
Yunanıstan
Almaniya
Uels
Kipr

4-cü səbət
Türkiyə
İngiltərə
Albaniya
Monteneqro
Danmarka
Norveç

5-ci səbət
Belarus
Niderland
Belçika
Finlandiya

Əsas mərhələ

6-cı səbər (evsahibləri)
Portuqaliya
Ukrayna
Azərbaycan
Italiya
Xorvatiya
Polşa
Fransa

7-ci səbət

İlkin mərhələdən yüksələcək ikinci pillənin sahibi komandalar

8-ci səbət
İlkin mərhələdən yüksələcək qrup qalibləri

9-cü səbət
Sloveniya
Macarıstan
Çexiya
Rumıniya
Slovakiya

10-cu səbət
Rusiya
İspaniya
Qazaxıstan
Serbiya

Təqvim

İlkin və əsas mərhələnin püşkatması: 12 dekabr 2018, Nyon

İlkin mərhələnin oyunları: 29 yanvar – 3 fevral 2019

Əsas mərhələnin oyunları: 22-27 oktyabr 2019

Elit raundun püşkatması: 7 noyabr 2019

Elit raundun oyunları: 28 yanvar-2 fevral 2020

Play-off mərhələsinin püşkatması: tarix məlum deyil, Nyon şhəri

Play-off mərhələsinin oyunları 9-12 aprel 2020

Final mərhələsinin püşkatması: tarixi dəqiq deyil, Litva

Final mərhələsinin oyunları: 12 sentyabr – 4 oktyabr 2020, Litva