Bu gün Yüksək Liqada IV turdan təxirə salınmış oyun keçirildi. Bakı İdman Sarayında “Yasamal” FK və “Xəzər Cənub” komandaları üz-üzə gəldi. Fasiləyə qədər komandalar hərəyə bir dəfə fərqləndi. Halbuki “Xəzər Cənub” daha çox qol vura bilərdi. Bunun üçün nominal qonaqlar iki dəfə təyin edilmiş 10 metrlik zərbəni dəqiq yerinə yetirməli idi. Ancaq Mehdi Pənahande qeyri-dəqiq oynadı, Farid Mazahevinin zərbəsini isə qapıçı zərərsizləşdirdi. İkinci hissədə üstünlük “Xəzər Cənub”un tərəfində oldu. Oyunun gedişində “Yasamal” FK-nın 2 oyunçusunun qırmızı vərəqə alması və komandasını azlıqda qoyması da nəticəyə təsirsiz ötüşmədi. Beləliklə ilk “4-lük”ə iddialı iki komandanın cari mövsümdəki ilk duelini “Xəzər Cənub” qazandı. Bu komandalar arasında növbəti təxirə salınmış oyun dekabrın 10-da, saat 12:30-da Bakı İdman Sarayında keçiriləcək.

Yasamal FK – Xəzər Cənub  3:7 (1:1)

7 dekabr. Bakı İdman Sarayı. Saatı 12:30

Hakimlər: Azad Hüseynov, Mehman Mahmudov, Rahin Heybətov

Hakim-inspektor: Şahin Cəfərov

Qollar: S. Amini, 12:01, M. Cahandost, 32:48, S. Jamali, 36:59 // Ş. Şahnazi, 19:38, 31:07, F. Mazahevi, 22:44, 24:25, H. Rezvan, 26:07, A. Mikaili, 32:15, M. Nasirzadeh, 35:42

Sarı vərəqələr: S. Amini, 04:58, S. Jamali, 09:14, S. Cavid, 10:00, R. Xorasani, 26:07

Qırmızı vərəqələr: S. Amini, 29:59 (ikinci sarı), M. Cahandost, 34:01

Yasamal FK

2. Reza Xorasani (q), 10. Salar Şahnasi, 7. Sina Jamali, 12. Sadiq Cavid, 8. Saeid Amini, 11. Mortuza Cahandost (k), 3. Vladislav Vorobyov, 5. Tural Lətifov

Xəzər Cənub

21. Mohammed Reza Rahi (q), 10. Mehdi Pənahande (k), 15. Hadi Rezvan, 9. Farid Mazahevi, 11. Şabah Şahnazi, 1. Ali Xadimi (q), 7. Masoud Nasirzadeh, 77. Ali Mikaili, 19. Şahin Nami, 12. İlkin Mirzəyev

Menecer: Tugsal Eliz