DÇ-2024-ün elit-raund mərhələsi çərçivəsində Rumıniya yığması ilə oyuna hazırlıq məqsədi ilə Bakıda təlim-məşq toplanışında olan Azərbaycan millisinin dekabrın 13-də, saat 10:00-da, Bakı İdman Sarayında ilk 15 dəqiqəsi mətbuat üçün açıq məşqi keçiriləcək. Məşqdən əvvəl – saat 09:45-də isə baş məşqçi Vitali Borisovun iştirakı ilə brifinq təşkil olunacaq.

Qeyd edək ki, Azərbaycan - Rumıniya oyunu dekabrın 15-də, Bakı İdman Sarayında keçiriləcək. Saat 20:00-da başlayacaq qarşılaşma CBC Sport kanalı vasitəsilə canlı yayımlanacaq.