“Araz-Naxçıvan” UEFA Çempionlar Liqasının ilkin mərhələsində bu gün ikinci oyununu keçirib. İlk matçda “Sparta Belfast”ı 7:1 hesabı ilə yenən təmsilçimiz bu dəfə Estoniya çempionu “Sillamae Silla”yla qarşılaşıb. Rəqib isə ilk matçda İsveç “Uddevalla”sına 3:10 hesabı ilə yenilib. “Qırmızı-ağlar” ilk oyunla müqayisədə bu dəfə meydana tam heyətlə çıxmışdı. Belə ki, qırmızı vərəqə cəzasını başa vuran Lazar Milosavljeviç meydana çıxmaq şansı qazanmışdı. Baş məşqçi Vitali Borisov da “5-lik”də dəyişiklik etmişdi. Hesabı 5-ci dəqiqədə Amadeu açıb. 9-cu dəqiqədə rəqib bərabərlik qolunu vurmaq şansını qaçırıb. Pfeninq penlti zərbəsini dəqiq yerinə yetirə bilməyib. 13-cü dəqiqədə “qırmızı-ağlar” fərqi artırıb. Bu dəfə Yaniç rəqib torunu silkələyib. Kadinho isə 3-cü qolun müəllifi olub. İkinci hissədə ilk qol Manafovun ayağına yazıldı. Növbəti qolun ötürməsini edən Manafov Kadinhonun dubl etməsinə imkan yaradıb. 33-cü dəqiqədə Ülvi Əliyev də qol vuranlar sırasına qoşuldu. Komandamız qrupda son oyununu İsveçin “Uddevalla” komandasına qarşı keçirəcək. Qeyd edək ki, əsas mərhələyə ancaq qrup lideri vəsiqə qazanır.

“Sillamae Silla” (Estoniya) – “Araz – Naxçıvan” (0:3) 0:7

UEFA Çempionlar Liqası. İlkin mərhələ.

22 avqust. Agnebergshallen. Saat 18:00

Hakimlər: Daniel Stauber, Trayan Enchev, Pavel Tokarevicz (Polşa)

Timekeeper: Kastriot Gerxhaliu 

Hakim-inspektor: Timo Onatsu

UEFA nümayəndəsi: Andris Utinans

Qollar: Amadeu, 4:54, Yaniç, 12:01, Kadinho, 15:54, 25:54, K. Manafov, 24:39, Ü. Əliyev, 32:32, X. Ağalızadə, 34:03

Sarı vərəqələr: Tsoqankov, 14:52 // E. Kürdov, 8:19

“Sillamae Silla”

12. Azuaje (q), 7. Salas, 10. Perez, 13. Gussev, 77. Maşinistov (k), 90. Taar (q), 3. Qonçarov, 8. Manni, 9. Anton Pfeninq, 17. Tsoqankov, 22. Bazkov, 23. Kuropjatnik, 57. Dikopavlenko, 99. Şmigelski

Baş məşqçi: Artyom Maşinist

“Araz-Naxçıvan”

1. Emin Kürdov (q, k), 9. Emil Həsənzadə, 11. İaqo Henrique, 17. Kadinho, 20. Amadeu, 12. Kamran Hacıyev (q), 19. Vladislav Reznov (q), 5. Lazar Milosavljeviç, 6. Caique, 7. Yaniç Aleksandar, 8. Giovanni Valerio, 10. Kənan Manafov, 14. Xəzər Ağalızadə, 18. Ülvi Əliyev

Baş məşqçi: Vitali Borisov