Azərbaycanın tanınmış idman jurnalisti, hazırda "CBC Sport" telekanalında çalışan Rövşən Binnətlinin 60 illik yubiley mərasimi keçirilib. Bakı Olimpiya Stadionunda keçirilən tədbirdə müxtəlif idman ictimaiyyətinin nümayəndələri, jurnalistlər və səbəbkarın döyüş yoldaşları iştirak ediblər.
Əvvəlcə yubilyarla bağlı videosüjet nümayiş etdirilib. Sonra çıxış edənlər səbəbkarla bağlı ürək sözlərini və xatirələrini bölüşüblər.
Sonda R.Binnətli qonaqlara təşəkkürünü bildirib.
Qeyd edək ki, futzal üzrə ölkə çempionatının CBC Sport televiziya kanalında canlı yayımlanan oyunlarını məhz Rövşən Binnətli şərh edir. Tədbirə qatılan federasiyamızın əməkdaşı Azərbaycan Futzal Federasiyasının rəhbərliyi adından Rövşən müəllimi 60 illik yubileyi münasibəti ilə təbrik edib, yaradıcılıq uğurları arzulayıb.
