Qış fasiləsinə turnir cədvəlinin zirvəsində yollanan “Baku Fire” “transfer pəncərəsi”ndən maksimum istifadə etməyə çalışır. Paytaxt klubu bu dəfə iki braziliyalı futzalçı ilə anlaşıb. Paulo Henrique Alves de Souza və Henrique Suares Guimaraes yaya qədər karyerasını “Baku Fire”də davam etdirəcək. 22 yaşlı futzalçılardan Paulo hücumçu, Guimaraes isə müdadfiəçidir. Birinci vətənində AABB, digər ADİ İndaiatuba klubunda çıxış edirdi. Əvəzində Amadeu komandadan ayrılıb. O, karyerasını Braziliyanın “Marreco” klubunda davam etdirəcək.

Qeyd edək ki, Baku Fire 8 oyundan 22 xal toplayıb və turnir cədvəlinə başçılıq edir.