Yüksək Liqada bu gün IX turun oyunları keçirilib. İlk oyunda iki iddialı komanda üz-üzə gəlib. Qış transfer pəncərəsindən istifadə edərək, xüsusilə də legionerlərlə güclənən komandaların duelini “Araz-Naxçıvan”dan Xəzər Ağalızadə buraxırdı. Millinin üzvü cəzalı olduğuna görə komandasına kömək edə bilmədi. Namiq Məmmədkərimov da zədəli olduğuna görə matçı ehtiyatdan izlədi.
Oyun gözlənildiyi kimi gərgin, aqressiv mübarizə şəraitində keçdi. Fasiləyə qədər bir qol vuruldu. Hər iki tərəfin real qol epizodları olsa da, hesab standart vəziyyətdən açıldı. Artıq 12-ci dəqiqədə foul limitini dolduran “Neftçi” İK 14-cü dəqiqədə rəqibə 10 metrlik zərbə vurmaq imkanı verdi. Matheus dəqiq oynamaqla yeni komandasının heyətində çempionatda ilk qolunu vurdu.
İkinci hissə daha məhsuldar keçdi. Amirhossein Rasuli 4 qol vurmağı bacardı. Bundan sonra qapıçını meydan oyunçusu ilə əvəzləyən “Neftçi”ni növbəti dəfə Lazar Milosavljeviç meydanın mərkəzinə dəvət etdi. Yekunda inamlı qələbə qazanan “Araz-Naxçıvan” “Neftçi” ilə xal fərqini 2-yə endirməyi bacardı.
İkinci oyun lider üçün məşq xarakterli keçdi. İaqonun 8 qol vurduğu görüşdə “Baku Fire” böyükhesablı qələbə ilə xal ehtiyatını artırmış oldu.
Tura U-19 – “Şuşa” görüşü ilə yekun vuruldu. Bu oyuna marağı artıran məqamlardan biri də yanvarda keçirilən Azərbaycan kubokunun ¼ final mərhələsində gənclər millisinin “Şuşa”nı yenməsi və yarımfinala yüksəlməsidir. Fasiləyə komandalar “sülh”lə yollandı. Əvvəlcə “Şuşa” hesabı açdı, ardınca avtoqol sayəsində U-19 qol xanasındakı sıfırı birlə əvəzlədi. İkinci hissəyə də komandalar erkən qollarla başladı. Əvvəlcə U-19 hesabı xeyrinə dəyişdi. 13 saniyə sonra nominal qonaqlar status-kvonu bərpa etdi. Görüşün taleyini həll edən qol isə final fitinə 1 dəqiqə qalmış vuruldu.
Neftçi İK – Araz-Naxçıvan (0:1) 0:6
11 fevral. Olimpik Star. Saat 14:00
Hakimlər: Knyaz Əmiraslanov, Ramil Namazov, Elgün Hüseynov
Hakim-inspektor: Murad Məmmədov
Qollar: Matheus Henrique, 13:26, Amirhossein Rasuli, 25:49, 31:18, 35:11, 39:01, Lazar Milosavljeviç, 36:42
Sarı vərəqələr: Vladislav Reznov, 2:09, Javad Haydari, 21:55 // Giovanny, 1:45, Emin Kürdov, 20:48, Yevgeni Kukseviç, 20:57 (baş məşqçi)
Yasamal Bakı – Baku Fire (0:4) 1:10
11 fevral. Olimpik Star. Saat 16:00
Hakimlər: Hacıəli Ağayev, Hidayət Feyzullayev, Rza Məmmədov
Hakim-inspektor: Elçin Səmədli
Qollar: Elmir Xəlilov, 35:55 // İaqo Henrique, 1:12, 7:44, 16:49, 35:22, 36:45, 37:01, 37:58, 39:40, Elvin Quliyev, 16:57, Paulo Henrique, 23:17
Sarı vərəqələr: Qurban Orucov, 36:58 // Fərid Abbasov, 25:33
U-19 – Şuşa (1:1) 3:4
11 fevral. Olimpik Star. Saat 18:00
Hakimlər: Anar Fərəcov, Vüsal Balaşov, Kənan Məlikov
Hakim-inspektor: Ramiz Əsədov
Qollar: Ayxan Məmmədov, 9:12 (ö/q), Bəyoğlan Vəlizadə, 20:40, Rəvan Məşiyev, 32:25 // Rüstəm Bağırov, 1:28, Aidar Tutatov, 20:53, Sadegh Javiditabar, 27:56, 38:54
Sarı vərəqələr: Rəvan Məşiyev, 15:29, Fariz Hüseynov, 24:55 // Sadegh Javiditabar, 35:45, Rüstəm Bağırov, 38:24, Aidar Tutatov, 38:24