19 yaşadək futzalçılardan ibarət Azərbaycan yığmasının Avropa çempionatının əsas mərhələsindəki sonuncu rəqibi müəyyənləşib. İlkin seçmə mərhələnin oyunlarında ardıcıl 3 qələbə qazanan Kipr yığması B qrupunun qalibi olub və əsas mərhələdə çıxış etmək hüququ qazanıb. Ada təmsilçisi İsveçi 6:1, San Marinonu 8:0, Kosovonu isə 9:3 hesabı ilə məğlub edib.

Qeyd edək ki, yığmamız Sloveniya, Hollandiya və Kiprlə birgə 2-ci qrupda yer alıb. Bu qrupun oyunları martın 26-dan 31-dək Sloveniyada təşkil olunacaq.