Avropa çempionatının əsas mərhələsində çıxış edəcək 19 yaşadək futzalçılardan ibarət Azərbaycan yığmasının oyunlarının tarixi və saatı açıqlanıb.

Yığmamız ilk oyununu martın 27-də keçirəcək. Komandamız Podcetrtek zalında saat 22:45-də Kiprlə qarşılaşacaq. U-19 ertəsi gün Hollandiyadan olan həmyaşıdları ilə gücünü sınayacaq. Bu duel saat 19:30-da həmin məkanda baş tutacaq. Qrup mərhələsinin son oyunu martın 30-da keçiriləcək. Yığmamız bu dəfə Sloveniya millisi ilə gücünü sınayacaq. Oyun saat 21:00-da başlayacaq.

Qeyd edək ki, bu qrupun oyunları Sloveniyada keçiriləcək.