Bu gün Olimpik Starda Yüksək Liqanın XIX turunun oyunları keçirildi. İlk matçda “Yasamal”lar qarşılaşdı. Əsasən İrandan dəvət edilmiş legionerlərdən qurulmuş MFK böyükhesablı qələbə qazandı. Mortoza Cahandost isə 5 qol vurmaqla qələbədə əsas pay sahibi oldu. Turun mərkəzi oyununda isə lider “Araz” üçüncü sırada yer alan “Neftçi” ilə üz-üzə gəldi. Xətai Bağırov 4 oyunluq cəzasını başa vurduğundan, qış fasiləsindən sonra ilk oyununa çıxdı. Oyunda hesabı “Neftçi” açıb. Rizvan Fərzəliyevin cərimə meydançası daxilindəki qayda pozuntusunu hakim penalti kimi dəyərləndirdi. Bir kapitanın “hədiyyə”sini digər kapitan tora qovuşdurdu. 5-ci dəqiqədə təcrübəli Borisovun zərbəsi isə tirdən geri qayıtdı. Bir qədər sonra Masoud Nasirzadegah qapıçı ilə duelə yollansa da, “çərçivə”yə düşə bilmədi. 8-ci dəqiqədə isə Xətai Bağırovun 10 metrlik zərbəsini qapıçı geri qaytardı. İkinci hissəyə son çempion ardıcıl hücumlarla başladı. Əvvəlcə Mikaeli, ardınca Atayev dəqiq oynaya bilmədi. Hətta bir epizodda İsanın zərbəsindən sonra Zamanov topu qapı xəttinin üstündə tutdu. “Araz”ın təzyiqi 25-ci dəqiqədə effekt verdi. Neyməti hesabı bərabərləşdirdi. 27-ci dəqiqədə Vitali Rüfətin dirəyin dibinə ötürməsini qola çevirə bilmədi. Əvəzində “Araz” hesabda önə keçdi. Künc nöqtəsindən ötürməni nəzarətsiz qalmış İsa Atayev torla qovuşdurdu. Sona 5 dəqiqə qalmış “Neftçi”nin qapıçını meydan oyunçusu ilə əvəzləməsi “Araz”ın işinə yaradı. Rizvan boş qapıya düşməklə fərqi 2 topa çatdırdı. Düzdü, 1 dəqiqə sonra “Neftçi” 10 metrlik zərbə vurmaq hüququ qazandı, ancaq Vitali Rövşənlə dueldən məğlub ayrıldı. 37-ci dəqiqədə Borisova qarşı kobud oyuna görə “Neftçi” növbəti dəfə 10 metrlik zərbə vurmaq hüququ qazandı. Bu dəfə Vahid Şəfayi arxa toru nişan aldı. Nəhayət 30 saniyə qalmış Rüfət 10 metrlik zərbə ilə fərqi minimuma endirdi və oyun “Araz”ın qələbəsi ilə başa çatdı. Tura çempionluğa iddialı EKOL və “Liman” görüşü ilə yekun vuruldu. Oyun təcrübəli hücumçu Namiq Məmmədkərimovun qolları sıralaması ilə yadda qaldı. Bununla da o, bombardirlər yarışına başçılıq edən Hadi Rezvanı qabaqlamağı bacardı.
Yasamal İSK – Yasamal MFK Baku 2:12 (1:5)
22 fevral. Olimpik Star. Saat 12:30
Hakimlər: Anar Fərəcov, Vaqif Musayev, Elmir Quluzadə
Qollar: N. Mahmudov, 05:42, İ. Təhmirazlı, 21:39 // M. Cahandost, 02:31, 04:15, 32:02, 32:47, 38:52, M. Foulad, 08:10, X. Əhməd, 10:23, O. Oraz, 18:50, 24:06, 30:17, T. Lətifov, 34:03, R. Akbari, 39:44
Sarı vərəqələr: M. Eyniyev, 20:29, İ. Məmmədov, 39:45 // M. Cahandost, 15:07, T. Lətifov, 26:29
Yasamal İSK
23. Namaz İsmayılov (q), 2. Anar İsayev, 3. Məhərrəm Orucov, 10. Məhəmməd Eyniyev, 4. Davud Bagheri (k), 1. Ceyhun Nağıyev (q), 99. Nirat Şahtaxtinski (q), 7. Nihad Mahmudov, 8. İmran Təhmirazlı, 9. İbad Məmmədov
Rəhbər: Azər Əmənov
Yasamal MFK
2. Reza Xorasani (q), 10. Omid Oraz (k), 7. Rəsul Akbari, 12. Mortuza Cahandost (k), 8. Məhəmmədhəssən Foulad, 1. Alireza Abazarfərd, 18. Kənan Osmanlı, 17. Tural Lətifov, 11. Cavidan Vəliyev, 20. Xəzər Əhməd, 6. Sina Jamali
Rəhbər: Orxan Allahverdiyev
Neftçi – Araz 2:3 (1:0)
22 fevral. Olimpik Star. Saat 14:30
Hakimlər: Azər Əsgərov, Ramil Namazov, Elman Musayev
Qollar: R. Balakişiyev, 02:06 (pen.), 39:33 // M. Neyməti, 24:40, İ. Atayev, 27:56, R. Fərzəliyev, 35:48
Sarı vərəqələr: R. Balakişiyev, 07:51, R. Fərəczadə, 33:56 // R. Fərzəliyev, 02:05, İ. Atayev, 36:06
Neftçi İK
23. Elnur Zamanov (q), 7. Rəcəb Fərəczadə, 10. Rüfət Balakişiyev (k), 14. Vitali Borisov, 17. Mohammad Nəcəf, 1. Samir Mehtiyev (q), 3. Hamid Reza, 5. Vahid Şəfayi, 6. Mühəmməd Katebi, 8. Salar Şahnasi, 13. Əjdər Əjdərov, 94. Oruc Baxşəlizadə
Baş məşqçi: Hacıbala Abdullazadə
Araz
12.Rövşən Hüseynli (q), 7. Ali Mikaeli, 8. Rizvan Fərzəliyev (k), 11. Xətai Bağırov, 10. Nihad İsmayılov, 21. Rouhi Mohammadreza (q), 9. Oktay Rüstəmli, 17. İsa Atayev, 13. Hosseyin Seyidabolfaz, 14. Masoud Nasirzadegah, 15. Mohammadtaha Neyməti, 18. Adil İsmayılov, 19. Sadiq Cavid, 20. Emil Həsənzadə
Baş məşqçi: Joze Alesio Da Silva
Liman – EKOL 4:38 (1:21)
22 fevral. Olimpik Star. Saat 16:30
Hakimlər: Hikmət Qafarlı, Mehman Mahmudov, Vüsal Balaşov
Qollar: V. Ansari, 07:55, M. Əhmədzadə, 21:14, 38:30, M. Qənbərli, 32:43 // N. Məmmədkərimov, 00:36, 01:50, 03:29, 04:25, 05:38, 10:28, 11:58, 12:33, 13:02, 14:36, 14:57, 17:30, 34:47, 35:29, 36:43, 38:44, 39:48, 39:59, S. Həmzəyev, 01:23, Ə. Abasov, 03:52, 05:06, 13:33, 15:57, 22:29, 29:20, 37:26, 37:55, 39:16, R. Çovdarov, 06:35, 12:18, 14:00, 31:06, 33:25, Ə. Ələsgərli, 07:36, R. Əhmədov, 23:42, 35:08, 35:46, 36:06
Sarı vərəqə: M. Əhmədzadə, 30:00
Liman
1. Ali Deljo (q), 2. Vahid Ansari, 4. Maqsum Qənbərli (k), 6. Rauf Qasımov, 77. Mansur Əhmədzadə, 88. Elsevər Əliyev, 10. Camal Mahmudov
Rəhbər: Fariz Əkbərov
EKOL
1. İntiqam Babayev (q), 4. Fərid Atakişiyev, 10. Samir Həmzəyev, 11. Namiq Məmmədkərimov (k), 17. Fərid Ələkbərov, 99. Emin Kürdov (q), 2. Radik Əhmədov, 5. Sərxan Məstiyev, 7. Ramiz Çovdarov, 9. Əsgər Abasov, 14. Zaur Fərziyev, 77. Faiq Əliyev, 33. Ələsgər Ələsgərli
Məşqçi: Radik Əhmədov
