19 yaşadək futzalçılardan ibarət milli komandalar arasında ilk dəfə təşkil edilən Avropa çempionatında sabah mübarizəyə başlayacaq Azərbaycan yığmasının Kiprlə matçını idarə edəcək hakimlər müəyyənləşib. Oyunun birinci hakimi Marko Rothenfluh (İsveçrə) olacaq. Digər xətdə isə bolqar İvo Tsenov yer alacaq. Oyunun üçüncü hakimi funksiyasını Damian Jaruchiewicz (Polşa) yerinə yetirəcək.

Qeyd edək ki, Kiprlə oyun Podçetrtek idman sarayında keçiriləcək və Bakı vaxtı ilə saat 22:45-də başlayacaq.