Bu gün Azərbaycan kubokunun ¼ final mərhələsinin oyunları keçiriləcək. İlk oyunun start fiti 15:30-da səslənəcək. CBC Sport kanalında canlı yayımlanacaq matça marağı artıran məqamlardan biri cari mövsümdə xal itirməyən “Obolon”un Yüksək Liqa təmsilçisi ilə dueldə göstərəcəyi performansdı. Mərhələnin ən maraqlı oyunu isə əzəli rəqiblərin dueli olacaq. Söhbət “Araz” – EKOL qarşılaşmasından gedir. “Təbriz”in iddialı rəqibi qarşısında duruş gətirib-gətirə bilməyəcəyini isə matç göstərəcək. Aşkar favoritsiz oyunlardan biri də “Baku Fire” – “Advokat” görüşüdü. Birinci Liqanın lideri İkinci Liqanın ortabablarından biri hesab edilən, amma əvvəlki mərhələdə “Yasamal” MFK kimi güclü rəqibi yarışdan kənarlaşdıran “Advokat”la münasibətlərinə aydınlıq gətirəcək.

Neftçi – Obolon 

30 aprel. Bakı İdman Sarayı. Saat 15:30

Hakimlər: Ramil Namazov, Mehman Mahmudov, Rahin Heybətov

Araz – EKOL

30 aprel. Bakı İdman Sarayı. Saat 17:30

Hakimlər: Anar Fərəcov, Azər Əsgərov, Elvin Ağayev

Xəzər Cənub – Təbriz

30 aprel. Bakı İdman Sarayı. Saat 19:30

Hakimlər: Rahin Heybətov, Kənan Məlikov, Vüsal Balaşov

Baku Fire – Advokat

30 aprel. Bakı İdman Sarayı. Saat 21:30

Hakimlər: Hikmət Qafarlı, Ramiz Məhərrəmov, İsgəndər Əliyev

Qeyd: Neftçi - Obolon qarşılaşması CBC Sport televiziya kanalı vasitəsilə canlı yayımlanacaq.