Azərbaycan Futzal Federasiyası

XƏBƏRLƏR

Xorvatiya (U-19) - Azərbaycan (U-19): Fotoreportaj
Əsas mərhələdə tarixi nəticə
Avropa çempionatının əsas mərhələsində çərçivəsində 19 yaşadək futzalçılardan ibarət Azərbaycan millisi növbəti oyununu keçirib. Komandamız Xorvatiyadan olan həmyaşıdları ilə qarşılaşıb. İlk matçla müqayisədə baş məşqçi İlqar Aslanov “5-lik”də 2 dəyişiklik edib. Qapıda bu dəfə Hüseyn Abdulov yer almışdı. Nazim Hüseynovun əvəzinə isə Oqtay Mahmudzadə ilk saniyələrdən meydanda idi. Qrupun favoritlərindən sayılan xorvatlar 3-cü dəqiqədə hesabı açsa da, futzalçılarımız fasiləyə üstün yollanmağı bacardı. 7-ci dəqiqədə Fariz Hüseynov tablodakı rəqəmləri eyniləşdirdi. 10 dəqiqə sonra Ədalət Ələkbərov millimizi hesabda önə keçirdi. İkinci hissədə də komandamızın fərqi artırmaq üçün imkanları oldu. Ancaq 27-ci dəqiqədə yığmamız meydanda azlıqda qaldı. Abdulov rəqib hücumun qarşısını alan zaman cərimə meydanından kənarda topu əli ilə qaytardı ki, belədə referi qırmızı vərəqədən istifadə etməli oldu. 2 dəqiqə azlıqda mübarizə aparan futzalçılarımız rəqibə fərqlənmək imkanı vermədi. 35-ci dəqiqədə hesab yenidən bərabərləşdirdi. Son dəqiqə azı 2 epizodda futzalçılarımız topu rəqibdən “oğurlasa” da boş qapıya düşə bilmədi. Meydan sahibləri isə 12 saniyə qalmış hesabı xeyrinə dəyişdi. Amma sona qədər mübarizəni davam etdirən futzalçılarımız son saniyə qolu ilə tarixi nəticə qazandı. Belə ki, bu heç-heçə U-19-un əsas mərhələdə qazandığı ilk xal oldu. Millimiz qrupda son oyununu martın 29-da Türkiyə yığmasına qarşı keçirəcək. Görüş Bakı vaxtı ilə saat 19:00-da başlayacaq.
Xorvatiya – Azərbaycan: Heyətlər
Avropa çempionatının əsas mərhələsində çərçivəsində bu gün keçiriləcək Xorvatiya – Azərbaycan oyunu üçün komandaların heyətləri:
Böyükhesablı qələbələr
Bu gün Yüksək Liqada XIII turun daha 2 oyunu keçirilib. İlk matçda “Neftçi” böyükhesablı qələbəyə sevinib. Son çempion da rəqibindən güclü olub. Turun ilk oyunu isə martın 22-də keçirilib və liderin qələbəsi ilə yekunlaşıb.
Bu gün Yüksək Liqa, XIII tur
Bu gün Yüksək Liqada XIII turun qalan 2 oyunu keçiriləcək.
Bu gün saat 22:00: Xorvatiya – Azərbaycan
Avropa çempionatının əsas mərhələsində Azərbaycanın 19 yaşadək futzalçılardan ibarət millisi bu gün ikinci oyununu keçirəcək. Komandamız Xorvatiyanın müvafiq yaş qrupuna aid komandası ilə qarşılaşacaq. Oyun Bakı vaxtı ilə saat 22:00-da start götürəcək.
“Futzalçılarımız üçün əyani təcrübə oldu”
Bu gün keçirilən Bosniya və Herseqovina – Azərbaycan oyunu haqda komandamızın baş məşqçisi İlqar Aslanovun azfutzal.az-a açıqlaması:
Bosniya və Herseqovina (U-19) - Azərbaycan (U-19): Fotolar