Azərbaycan Futzal Federasiyası

XƏBƏRLƏR

Millimiz əsas mərhələdə
Avropa çempionatının ilkin mərhələsində komandamız bu gün növbəti oyununu keçirdi. İlk oyunda Kosovonu məğlub edən komandamız bu dəfə təşkilatçı ölkənin – San Marinonun U-19 komandası ilə qarşılaşdı. Dünənki görüşlə müqayisədə İlqar Aslanov “ilk 5-lik”də bir dəyişiklik etməyi lazım bildi. Rəvan Quliyevin əvəzinə bu dəfə Pünhan Qasımzadə ilk dəqiqələrdən meydanda oldu. Liderliyi təmin etmək üçün bu dueldə komandamızı heç-heçə də qane edirdi. Oyuna futzalçılarımız fəal başlasa da, hesabı rəqib açdı. Əks-hücum zamanı meydan sahibi komanda qapımıza yol tapdı. Fasiləyə qədər başqa qol vurulmadı. Dünənki oyunda olduğu kimi, ikinci hissəyə komandamız yenə üstün başladı. Əvvəlcə Oqtay tablodakı rəqəmləri eyniləşdirdi. Daha sonra Ədalət dəqiq oynamaqla rəqibi meydanın mərkəzinə dəvət etdi. Komandamızın bu üstünlüyü 3 dəqiqə davam etdi. 32-ci dəqiqədə matçda hesab yenidən bərabərləşdi. Sonrakı dəqiqələrdə topu özünə saxlayan komandamız sərflə nəticəni aktivinə yazdırmağı bacardı. Beləliklə B qrupunda keçirdiyi 2 oyundan 4 xal toplayan millimiz əsas mərhələyə vəsiqə qazanıb. Bu mərhələnin görüşləri 25-30 mart tarixlərində Xorvatiyada keçiriləcək. 7-ci qrupda yer alacaq futzalçılarımız meydan sahibi Xorvatiyadan başqa, Bosniya və Herseqovina və Türkiyədən olan həmyaşıdalrı ilə qarşılaşacaq. Qrup qalibi bu ilin sentyabrında Moldovanın Kişinyov şəhərində keçiriləcək final mərhələsinə vəsiqə qazanacaq.
San Marino (U-19) – Azərbaycan (U-19): Heyətlər
Avropa çempionatının ilkin mərhələsində bu gün keçiriləcək San Marino – Azərbaycan oyunu üçün komandaların heyətləri:
“İndi bunun davamını gətirməliyik”
Avropa çempionatının ilkin mərhələsində bu gün ilk oyununu keçirən 19 yaşadək futzalçılardan ibarət Azərbaycan millisi Kosovonu məğlub edib. 4:1 hesabı ilə yekunlaşan görüşdə dubl edən və əzmkar oyunu ilə seçilən komandamızın üzvü Ədalət Ələkbərovun azfutzal.az-a müsahibəsi.
Azərbaycan U-19 - Kosovo U-19 4:1 (qollar)
Bu gün saat 21:00: San Marino (U-19) – Azərbaycan (U-19)
Avropa çempionatının ilkin mərhələsində komandamız bu gün San Marinodan olan həmyaşıdları ilə qarşılaşacaq. Oyun Bakı vaxtı ilə saat 21:00-da start götürəcək.
“Hələ işin yarısını görmüşük”
Avropa çempionatının ilkin mərhələsi çərçivəsində bu gün ilk oyununu keçirən və Kosovonu məğlub edən Azərbaycan millisinin baş məşqçisi İlqar Aslanovun görüşlə bağlı azfutzal.az-a açıqlaması:
Azərbaycan (U-19) - Kosovo (U-19): Fotolar
Millimizin tarixi qələbəsi
Avropa çempionatının ilkin mərhələsi çərçivəsində bu gün 19 yaşadək futzalçılardan ibarət Azərbaycan millisi B qrupunda ilk oyununu keçirdi. Görüşə futzalçılarımız aktiv başlasa da, hesabı rəqib açdı. Amma ruhdan düşməyən komandamız hissənin tamamına 3 dəqiqə qalmış hesabı bərabərləşdirdi. Ədalətin zərbəsindən sonra dirəyə dəyib geri qayıdan topu Hüseyn rəqib toruna qovuşdurmaqla fasiləyə “sülh”lə yollanmağımızı təmin etdi. İkinci hissədə millimiz demək olar ki, rəqibə meydanın mərkəzini keçmək imkanı vermədi. 23-cü dəqiqədə Ədalət bu dəfə özü fərqlənməklə komandamıza üstünlük qazandırdı. Ələkbərovun növbəti dəfə fərqlənməsinə qapı tiri mane oldu. 30-cü dəqiqədə futzalçılarımız 5 cərimə foulu limitini doldursa da, rəqib qapısını növbəti dəfə nişan almağı da bacardı. Bu dəfə Rəvan Məsiyev adını tabloya yazdırdı. 35-ci dəqiqədə Ədalətə qarşı növbəti ədalətsizlik oldu. Bu dəfə də onun zərbəsi dirəkdən geri qayıtdı. Artıq qapıçını da meydan oyunçusu ilə əvəzləyən Kosovo yığması növbəti dəfə meydanın mərkəzinə dəvət olundu. Ədalət bu dəfə boş qapıya düşməklə dubl etdi. Oyunu əvəzolunmadan keçirən qapıçı Əli Həsənzadə də inamlı çıxışı ilə qələbədə vacib pay sahibi oldu. İnamlı qurtarışları ilə alqış qazanan qolkiper 37-ci dəqiqədə rəqibin 10 metrlik zərbəsini də dəf etməklə fərqin azalmasına imkan vermədi. Beləliklə turnirə qələbə ilə start verən futzalçılarımız bununla yeni səhifə də açmış oldu. Belə ki, buna qədər xal qazana bilməyən U-19 ilk dəfə meydanı qalib tərk etməklə növbəti mərhələyə yüksəlmək şansını da xeyli artırmış oldu. Komandamız növbəti oyununu sabah – yanvarın 26-da San Marinoya qarşı keçirəcək. Görüş Bakı vaxtı ilə saat 21:00-da başlayacaq.