XƏBƏRLƏR
-
“Sona qədər mübarizə aparacağıq”
Avropa çempionatının final mərhələsində bu gün ilk oyununu keçirən Azərbaycan millisinin baş məşqçisi Joze Alesio Da Silvanın mətbuat konfransında səsləndirdiyi fikirlər:
-
Gürcüstan - Azərbaycan: Fotoreportaj
-
Millimiz ilk oyununu keçirib
Bu gün Avropa çempionatının final mərhələsində Azərbaycan millisi ilk oyununu keçirib. D qrupunun açılış qarşılaşmasında komandamız Gürcüstan yığması ilə üz-üzə gəlib. Bir gün əvvəl COVİD-19-la bağlı verdiyi testi pozitiv çıxan Rövşən Hüseynli və Qallo bu dəfə komandadan kənarda qalmışdı. Əlbəttə, vacib oyun ərəfəsində düşərgədə bu cür itkilərin baş verməsi futzalçılara psixoloji baxımdan təsir etməyə bilməzdi.
Oyuna gəldikdə, hesabı Vilela açdı. Fineonun ötürməsini forvard tora qovuşdurdu. O, 1 dəqiqə sonra cərimə zərbəsindən birbaşa qapıya yol tapmaqla üstünlüyümüzü iki topa çatdırdı. Elisandro 10-cu dəqiqədə fərqi minimuma endirdi. Bu, həm də birinci hissədə vurulan sonuncu qol oldu.
26-cı dəqiqədə Fineonun zərbəsini qapıçı son anda kənarlaşdıra bildi. Bir dəqiqə sonra topu uzaqlaşdıran zaman komandamız səhvə yol verdi ki, rəqib də bundan maksimum yararlandı və hesabı bərabərləşdirdi. Debütanlar oyunda ilk dəfə 32-ci dəqiqədə üstünlük qazandı. Penaltini Thales yerinə yetirdi.
Qeyd edək ki, millimiz 6-cı, Gürcüstan yığması isə ilk dəfə final mərhələsində iştirak edir.
-
Gürcüstan – Azərbaycan: Heyətlər
Avropa çempionatının final mərhələsi çərçivəsində bu gün keçiriləcək Gürcütsan – Azərbaycan oyunu üçün komandaların heyətləri:
-
PCR test pozitiv nəticələnib
-
Bu gün saat 17:30: Gürcüstan – Azərbaycan
Bu gün Avropa çempionatının final mərhələsində Azərbaycan millisi ilk oyununu keçirəcək. D qrupunun açılış qarşılaşmasında komandamız Gürcüstan yığması ilə üz-üzə gələcək. Matç saat 17:30-da başlayacaq və İTV vasitəsilə canlı yayımlanacaq.
Qeyd edək ki, millimiz 6-cı, Gürcüstan yığması isə ilk dəfə final mərhələsində iştirak edir.
-
Millinin matçöncəsi məşqi (fotoreportaj)
Sabah Avropa çempionatının final mərhələsində ilk oyununa çıxacaq Azərbaycan millisi bu gün matçöncəsi son məşqini keçirib. “Martini Plaza”da məşqdən əvvəl Azərbaycan Futzal Federasiyasının prezidenti, AFFA-nın İcraiyyə Komitəsinin üzvü Zaur Axundov futzalçılarla görüşüb, Gürcüstan yığması ilə oyunda qələbə qazanmağın vacib olduğunu bildirib. Bir saat davam edən məşqdə qapıçı Rövşən Hüseynli və müdafiəçi Qallo iştirak etməyib. Onların ilk qarşılaşmada iştirak edib-etməyəcəyi sabah məlum olacaq.
-
Mətbuat konfransı keçirilib
Bu gün Avropa çempionatının final mərhələsinin D qrupunun oyunlarının keçiriləcəyi “Martini Plaza”da millimizin baş məşqçisi Joze Alesio Da Silvanın və qapıçı Emin Kürdovun iştirakı ilə mətbuat konfransı keçirilib.
